കർണാടകയിൽ അടച്ചിട്ട വീട്ടിനുള്ളിൽ നിന്നും അസ്ഥികൂടങ്ങൾ കണ്ടെത്തി

ബം​ഗളൂരു: കർണാടകയിലെ ചിത്രദുർ​ഗയിൽ അടച്ചിട്ടിരുന്ന വീട്ടിൽ നിന്നും അസ്ഥികൂടങ്ങൾ കണ്ടെത്തി. 4 വർഷമായി അടച്ചിട്ടിരുന്ന വീട്ടിൽ നിന്നാണ് 5 അസ്ഥികൂടങ്ങൾ കണ്ടെത്തിയത്. ​ഗവ. എക്സിക്യൂട്ടീവ് എൻജിനിയറായി വിരമിച്ച ജ​ഗന്നാഥ റെഡ്ഡിയുടേതാണ് വീട്. റെഡ്ഡി(85), ഭാര്യ പ്രേമ (80), മക്കളായ ത്രിവേണി(62), കൃഷ്ണ ( 60), നരേന്ദ്ര (57) എന്നിവരാണ് വീട്ടിലുണ്ടായിരുന്നത്. ഇവരുടെ മൃത​ദേഹങ്ങളാണെന്നാണ് കരുതുന്നത്.

2019ലാണ് ഇവരെ അവസാനമായി കണ്ടതെന്ന് അയൽക്കാർ മൊഴി നൽകിയിട്ടുണ്ട്. മറ്റുള്ളവരിൽ നിന്നും അകന്ന് കഴിഞ്ഞിരുന്ന കുടുംബമായിരുന്നു ഇവരുടേത്. കന്നഡയിലെഴുതിയ ആത്മഹത്യാക്കുറിപ്പും മൃതദേഹങ്ങൾക്കൊപ്പം കണ്ടെത്തിയിട്ടുണ്ട്. 4 അസ്ഥികൂടങ്ങൾ ഒരു മുറിയിൽ കട്ടിലിലും തറയിലുമായി കിടക്കുന്ന നിലയിലും ഒരു മൃതദേ​ഹം മറ്റൊരു മുറിയിലുമായാണ് കണ്ടെത്തിയത്. സംഭവത്തിൽ പൊലീസ് അന്വേഷണം ആരംഭിച്ചു.