22 തവണ രക്തം ദാനം നൽകിയ പ്രവീൺ കുമാറിനെ ആദരിച്ചു
കൊയിലാണ്ടി: 22 തവണ രക്തം ദാനം നൽകിയ പെരുവട്ടൂർ ശ്രീപത്മത്തിൽ പ്രവീൺ കുമാറിനെ കൊയിലാണ്ടി സേവാഭാരതി ആദരിച്ചു. അക്കൗണ്ട്സ് എഫയെസ് (ജി എസ്സ് ടി പ്രാക്ടീഷനർ ) എന്ന സ്ഥാപനത്തിന്റെ ഉടമ കൂടിയാണ് അദ്ദേഹം. സേവാഭാരതി പാലിയേറ്റീവ് കെയറിലേക്ക് പുതിയ വാഹനം സമർപ്പിക്കുന്ന വേദിയിലാണ് ആദരവ് നടന്നത്. കൊളത്തൂർ അദ്വൈതാശ്രമം മഠാധിപതി ശ്രീമദ് ചിദാനന്ദപുരിസ്വാമികൾ പ്രവീൺ കുമാറിനെ പൊന്നാട അണിയിച്ചു.
ശ്രീ ഗുരുജി വിദ്യാലയ അങ്കണത്തിൽ നടന്ന ചടങ്ങിൽ കൊയിലാണ്ടി സേവാഭാരതി പ്രസിഡണ്ട് കെ എസ് ഗോപാലകൃഷ്ണൻ അധ്യക്ഷത വഹിച്ചു. സ്റ്റീൽ ഇന്ത്യ ഗ്രൂപ്പ് എംഡി കെ എം രാജീവൻ, കോഴിക്കോട് റെയിൽവേ സ്റ്റേഷൻ മാനേജർ ഹരീഷ് സി കെ എന്നിവർ മുഖ്യ അതിഥികൾ ആയിരുന്നു. ആർഎസ്എസ് ജില്ലാ സംഘചാലക് എം ശിവരാമൻ മാസ്റ്റർ സേവാ സന്ദേശം നൽകി. സേവാഭാരതി സംസ്ഥാന സെക്രട്ടറി നിഷിരഞ്ജൻ മുഖ്യ ഭാഷണം നടത്തി. വി എം മോഹനൻ, ശ്രീകല കേളോത്ത്, വി എം ഭാസ്കരൻ, രഞ്ജിഷ് ദാമോദരൻ, സ്മിനു രാജ് വി എന്നിവർ ആശംസ പ്രസംഗം നടത്തി. കെ എം രജീ സ്വാഗതവും മോഹനൻ കല്ലേരി നന്ദിയും പറഞ്ഞു.
