ഭിന്നശേഷിക്കാർക്ക് സ്കൂട്ടറുകൾ വിതരണം ചെയ്തു
കൊയിലാണ്ടി: കൊയിലാണ്ടി നഗരസഭ വാർഷിക പദ്ധതിയിൽ ഭിന്നശേഷിക്കാർക്ക് സൈഡ് വീൽ ഘടിപ്പിച്ച സ്കൂട്ടറുകൾ വിതരണം ചെയ്തു. 13 ലക്ഷം രൂപ ചെലവഴിച്ച് 11 പേർക്കാണ് വിതരണം ചെയ്തത്. നഗരസഭ അധ്യക്ഷ സുധ കിഴക്കേപ്പാട്ട് വിതരണോദ്ഘാടനം ചെയ്തു. ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ കെ. ഷിജു അധ്യക്ഷത വഹിച്ചു. സ്ഥിരം സമിതി അധ്യക്ഷരായ നിജില പറവകൊടി, കെ. എ. ഇന്ദിര, കൗൺസിലർമാരായ ടി. ചന്ദ്രിക, കെ. എം. സുമതി, ഐ.സി.ഡി.എസ് സൂപ്പർവൈസർ റൂഫീല, കെ. ഷബില, അനുഷ്‌മ എന്നിവർ സംസാരിച്ചു.
