‘പട്ടികവര്‍ഗക്കാരില്‍ ഭൂമി ലഭിക്കാനുള്ളവര്‍ക്ക് ഈ സര്‍ക്കാരിന്റെ കാലത്ത് തന്നെ ഭൂമി ലഭ്യമാക്കും’: മന്ത്രി ഒ ആര്‍ കേളു
ലൈഫ് ഭവന പദ്ധതി, സേഫ് പദ്ധതി എന്നിവയില്‍ വീടുകള്‍ പൂര്‍ത്തീകരിച്ച് വരുന്നുവെന്നും പട്ടിക വര്‍ഗക്കാരില്‍ ഭൂമി ലഭിക്കാനുള്ളവര്‍ക്ക് ഈ സര്‍ക്കാരിന്റെ കാലത്ത് തന്നെ ഭൂമി ലഭ്യമാക്കുമെന്നും മന്ത്രി ഒ ആര്‍ കേളു വ്യക്തമാക്കി.
‘പട്ടികവര്‍ഗക്കാരില്‍ 5737 പേര്‍ക്ക് ഭൂമി ലഭിക്കാനുണ്ട്. ഈ ഗവണ്‍മെന്റിന്റെ കാലത്ത് തന്നെ ഇവര്‍ക്ക് ഭൂമി ലഭ്യമാക്കും. പദ്ധതികള്‍ നടപ്പാക്കുന്നതിലുള്ള കാലതാമസം പരിഹരിക്കുന്നതിന് പ്രയോറിറ്റി ലിസ്റ്റ് തയ്യാറാക്കിട്ടുണ്ട്. അതിദരിദ്രരില്ലാത്ത കേരളത്തിനുള്ള നടപടികള്‍ സര്‍ക്കാര്‍ മുഖ്യമന്ത്രിയുടെ നേതൃത്വത്തില്‍ സ്വീകരിച്ച് വരുന്നുവെന്നും മന്ത്രി വ്യക്തമാക്കി.
