കൊയിലാണ്ടിയിൽ ഗ്രാമീണ വിപണന മേള തുടങ്ങി
കൊയിലാണ്ടി: നബാർഡും കൊയിലാണ്ടി സർവ്വിസ് സഹകരണ ബേങ്കും വടകര കോക്കനട്ട് ഫാർമോഴ്സ് പ്രെഡ്യൂസർ കമ്പനിയും കേരള ഗ്രാമീണ ബേങ്കും സംയുക്തമായി നടത്തുന്ന ഗ്രാമീണ വിപണന മേള കൊയിലാണ്ടി സർവ്വീസ് സഹകരണ ബാങ്ക് ഈവനിംഗ് ബ്രാഞ്ച് ഗ്രൗണ്ടിൽ ഷാഫി പറമ്പിൽ എം.പി ഉദ്ഘാടനം ചെയ്തു. കെ.സദാനന്ദൻ അദ്ധ്യക്ഷത വഹിച്ചു. കാനത്തിൽ ജമീല എം.എൽ എ മുഖ്യാതിഥിയായിരുന്നു.
സഹകരണ ബാങ്ക് പ്രസിഡണ്ട് അഡ്വ: കെ.വിജയൻ, നബാർഡ് പ്രതിനിധി വി. രാകേഷ്, എം.പി. കുഞ്ഞിക്കണാരൻ, നഗരസഭ കൗൺസിലർമാരായ എ. അസിസ്, പി. രത്നവല്ലി, വി.പി. ഇബ്രാഹിം കുട്ടി, കമ്പനി വൈസ് ചെയർമാൻ വിപിൻ കുമാർ, വി.പി. ഭാസ്ക്കരൻ, ബാങ്ക് വൈസ് പ്രസിഡണ്ട് മുരളി തോറോത്ത്, ബേങ്ക് ഡയറക്ടർമാരായ ഉണ്ണികൃഷ്ണൻ മരളൂർ, പ്രകാശൻ നെല്ലിമടത്തിൽ എന്നിവർ പ്രസംഗിച്ചു.
