ദളിത് പഞ്ചായത്ത് പ്രസിഡണ്ടിനെ അധിക്ഷേപിച്ചതിനെതിരെ പ്രതിഷേധം

യുഡിഎഫ് കോട്ടയിൽ 2020ൽ എൽഡിഎഫ് അട്ടിമറി വിജയം നേടിയാണ് എസ്‌സി വിഭാഗത്തിൽപ്പെട്ട ഉണ്ണി വേലങ്ങരി പഞ്ചായത്ത് പ്രസിഡണ്ടായത്. ഇക്കുറി ഭരണം തിരിച്ചുപിടിച്ചതിൽ മത്തുപിടിച്ച യുഡിഎഫുകാരാണ് പഞ്ചായത്ത് ഓഫീസിനുമുകളിൽ ലീഗി പതാക ഉയർത്തുകയും ഓഫീസിൽ ചാണകവെള്ളം തളിക്കുകയും ചെയ്തത്.

കമീഷൻ റിപ്പോർട്ട് തേടി

ചങ്ങരോത്ത് പഞ്ചായത്ത് പ്രസിഡണ്ടായിരുന്ന ഉണ്ണി വേങ്ങേരിയെ അപമാനിക്കാനായി പഞ്ചായത്ത് ഓഫീസിന് മുന്നിൽ ചാണകം വെള്ളം തളിച്ച് ശുദ്ധികലശം നടത്തി അവഹേളിച്ചെന്ന മാധ്യമവാർത്തയുടെ അടിസ്ഥാനത്തിൽ സംസ്ഥാന പട്ടികജാതി പട്ടികഗോത്രവർഗ കമീഷൻ റിപ്പോർട്ട്‌ തേടി. കോഴിക്കോട് ജില്ലാ പൊലീസ് മേധാവിയോട് 10 ദിവസത്തിനുള്ളിൽ റിപ്പോർട്ട് ലഭ്യമാക്കാൻ നിർദേശിച്ചു. പരാതിയിൽ കേസെടുത്ത് അന്വേഷിച്ച് നിയമനടപടിയെടുക്കാനും നിർദേശിച്ചിട്ടുണ്ടെന്ന് കമീഷൻ ചെയർപേഴ്സൺ അറിയിച്ചു.

Advertisements