കുറുവങ്ങാട് സ്വകാര്യ ബസ്സ് സ്കൂട്ടറിൽ ഇടിച്ച് ഇലക്ട്രിക് പോസ്റ്റ് തകർത്തു; സ്കൂട്ടർ യാത്രക്കാരന് ഗുരുതര പരുക്ക്

കൊയിലാണ്ടി: കുറുവങ്ങാട് പോസ്റ്റ് ഓഫീസിനു സമീപം സ്വകാര്യ ബസ്സ് സ്കൂട്ടറിൽ ഇടിച്ചു. നിയന്ത്രണം വിട്ട ബസ് ഇലക്ട്രിക് പോസ്റ്റിൽ ഇടിച്ച് പോസ്റ്റ് തകർന്നു. സ്കൂട്ടർ യാത്രക്കാരന് ഗുരുതര പരുക്ക്. പുളിയേരി നിള ബാലകൃഷ്ണൻ (70) ആണ് പരിക്കേറ്റത്. ഇയാളെ കോഴിക്കോട് മെഡിക്കൽ കോളജിൽ പ്രവേശിപ്പിച്ചു. ഇന്ന് രാവിലെ 9 മണിക്ക് ശേഷമായിരുന്നു അപകടം. കൊയിലാണ്ടി താമരശ്ശേരി യുണൈറ്റഡ് മോട്ടോർ സർവീസ്ബസാണ് അപകടത്തിൽപ്പെട്ടത്. യാത്രക്കാർക്ക് പരിക്കില്ല.