സ്കൂൾ വിദ്യാർത്ഥിനിക്കെതിരെ ലൈംഗികാതിക്രമം നടത്തിയ 21കാരനെ പൊലീസ് പിടികൂടി
കോഴിക്കോട്: സ്കൂൾ വിദ്യാർത്ഥിനിക്കെതിരെ ലൈംഗികാതിക്രമം നടത്തിയ 21കാരനെ ടൗൺ പൊലീസ് പിടികൂടി. ഒളവണ്ണ പള്ളിക്കുന്ന് എ ടി ഹൗസിൽ മുഹ്സിൻ (21) നെയാണ് പോക്സോ നിയമപ്രകാരം അറസ്റ്റ് ചെയ്തത്. കോഴിക്കോട് മിഠായി തെരുവിൽ നിന്നും അതിജീവിതയെ ബൈക്കിൽ എത്തിയ പ്രതി കടത്തിക്കൊണ്ടുപോയി കടലുണ്ടിയിലെ വാക്കടവ് ബീച്ചിൽ വെച്ച് ലൈംഗികാതിക്രമം നടത്തുകയുമായിരുന്നു.
പ്രതി മിഠായി തെരുവിൽ എത്തിയിട്ടുണ്ടെന്നുള്ള രഹസ്യ വിവരത്തിന്റെ അടിസ്ഥാനത്തിൽ ടൗൺ പോലീസ് സ്റ്റേഷനിലെ ഇൻസ്പെക്ടർ ജിതേഷ്, ASI മാരായ റിനീഷ്, അജിത, SCPO മാരായ ബിനിൽ, അരുൺ, CPO ജലീൽ എന്നിവരുടെ നേതൃത്വത്തിലുള്ള സംഘമാണ് പ്രതിയെ കസ്റ്റഡിയിലെടുത്തത്. കോടതിയിൽ ഹാജരാക്കിയ പ്രതിയെ റിമാന്റെ് ചെയ്തു.
