പി കെ മൊയ്തീൻ അനുസ്മരണ സമ്മേളനം
മേപ്പയ്യൂർ: ജനതാദൾ നേതാവും പ്രമുഖ സോഷ്യലിസ്റ്റുമായിരുന്ന പി കെ മൊയ്തീൻ അനുസ്മരണ സമ്മേളനം കെ പി മോഹനൻ എംഎൽഎ ഉദ്ഘാടനം ചെയ്തു. ബീഹാർ നിയമസഭാ തിരഞ്ഞെടുപ്പോടെ ഇന്ത്യൻ രാഷ്ട്രീയത്തിൽ പുതിയ ധ്രുവീകരണം സംഭവിക്കുമെന്ന് ജനതാദൾ ദേശീയ നിർവാഹസമിതി അംഗം കെ. പി. മോഹനൻ എംഎൽഎ പറഞ്ഞു.
വി. പി. സിംഗിന്റെ നേതൃത്വത്തിൽ നടന്ന ജനതാ മുന്നേറ്റത്തിന് സമാനമായ ഒരു പ്രതിപക്ഷ ഐക്യം സോഷ്യലിസ്റ്റുകളുടെ നേതൃത്വത്തിൽ രൂപപ്പെടുമെന്നും അദ്ദേഹം അഭിപ്രായപ്പെട്ടു. ആർജെഡി ജില്ലാ വൈസ് പ്രസിഡണ്ട് ഭാസ്കരൻ കൊഴുക്കല്ലൂർ അധ്യക്ഷത വഹിച്ചു. ‘വോട്ട് കൊള്ള, പൗരത്വ നിഷേധം, ജനാധിപത്യം’ എന്ന വിഷയത്തിൽ വിജയരാഘവൻ ചേലിയ പ്രഭാഷണം നടത്തി. കെ. ലോഹ്യ, പി. ബാലൻ, സുരേഷ് ഓടയിൽ, വി. പി. ഡാനിഷ്, വി.ഐ. ഹംസ, ടി. ഒ. ബാലകൃഷ്ണൻ, എം. ദിവാകരൻ നായർ എന്നിവർ സംസാരിച്ചു.
