പാലോറ ഹൈസ്കൂൾ 1991 ബാച്ച് കൂട്ടായ്മ “നെല്ലിമരചോട്ടിൽ” വാർഷിക സംഗമം സംഘടിപ്പിച്ചു
ഉള്ളിയേരി: പാലോറ ഹൈസ്കൂൾ 1991 ബാച്ച് കൂട്ടായ്മ “നെല്ലിമരചോട്ടിൽ” വാർഷിക സംഗമം ഞായറാഴ്ച രാവിലെ 10 മണി മുതൽ പാലോറ ഹൈസ്കൂൾ മിനി ഓഡിറ്റോറിയത്തിൽ വെച്ച് സംഘടിപ്പിച്ചു. ചടങ്ങിൽ ഷിനിൽ പൂനൂർ അധ്യക്ഷത വഹിച്ചു. എ. കെ. ഷാജു ഒരു വർഷത്തെ കൂട്ടായ്മയുടെ പ്രവർത്തനങ്ങൾ വിശദീകരിച്ചു. മുഹമ്മദലി, ഗിരീഷ് എൻ. പി, സായിറ ഉള്ളിയേരി തുടങ്ങിയവർ സംസാരിച്ചു.
സംസ്ഥാന ഹയർ സെക്കണ്ടറി സ്കൂൾ യുവജനോത്സവത്തിൽ പങ്കെടുക്കാൻ യോഗ്യത നേടിയ കൂട്ടായ്മയിലെ അംഗങ്ങളുടെ മക്കളായ നിരഞ്ജൻ S/o സജി മോറക്കാട്ട്, ഹരിശങ്കർ S/o ഷിനിൽ എന്നിവരെ അനുമോദിച്ചു. തുടർന്ന് വിവിധ കാലാപരിപാടികളും അരങ്ങേറി. മഹേഷ് കുമാർ സ്വാഗതവും ഷീബ കെ. ആർ നന്ദിയും പറഞ്ഞു.
