കെ.എസ്.എസ്.പി.യു സത്യാഗ്രഹ സമരം സംഘടിപ്പിച്ചു
കൊയിലാണ്ടി: വിവിധ ആവശ്യങ്ങൾ ഉന്നയിച്ച് കെ.എസ്.എസ്.പി.യു പന്തലായനി ബ്ലോക്ക് കമ്മിറ്റി നേതൃത്വത്തിൽ ചെങ്ങോട്ടുകാവിൽ സത്യാഗ്രഹ സമരം സംഘടിപ്പിച്ചു. ബ്ലോക്ക് പ്രസിഡണ്ട് എൻ എൻ കെ മാരാർ ഉദ്ഘാടനം ചെയ്തു. കേരളത്തിലെ പെൻഷൻ സമൂഹത്തിൻറെ അടിയന്തരാവശ്യങ്ങളായ പെൻഷൻ പരിഷ്കരണ കുടിശ്ശിക ഒറ്റത്തവണയായി ഉടൻ അനുവദിക്കുക, കുടിശ്ശിക ആയ ക്ഷാമ ശ്വാസം ഗഡുക്കൾ ഉടൻ അനുവദിക്കുക, പങ്കാളിത്ത പെൻഷൻ പദ്ധതി ഉപേക്ഷിക്കുക, 2024 ജൂലൈയിൽ പ്രാബല്യത്തിൽ വന്ന പന്ത്രണ്ടാം പെൻഷൻ പരിഷ്കരണ നടപടികൾ ആരംഭിക്കുക.
മെഡിസെപ്പ് അപാകതകൾ പരിഹരിക്കുക, മെഡിക്കൽ അലവൻസ് വർദ്ധിപ്പിക്കുക, ഗ്രീഷൻ പെൻഷൻകാർക്ക് മറ്റു പെൻഷൻകാർക്ക് ഉള്ള എല്ലാ ആനുകൂല്യങ്ങളും അനുവദിക്കുക എന്നിവ നേടിയെടുക്കുന്നതിനുവേണ്ടി സെക്രട്ടറിയേറ്റിനു മുന്നിൽ സത്യാഗ്രഹം നടത്തുന്നതിന് മുന്നോടിയായാണ് സമരം സംഘടിപ്പിച്ചത്.
വി പി ഭാസ്കരൻ മാസ്റ്റർ, പി കെ ബാലകൃഷ്ണൻ കിടാവ്, പി എം ശാന്തമ്മ ടീച്ചർ, കെ കെ കൃഷ്ണൻ മാസ്റ്റർ, പി ബാലഗോപാലൻ, ചേനോത്ത് ഭാസ്കരൻ, ഒ രാഘവൻ മാസ്റ്റർ, ഹരിദാസ് പി വേണു മാസ്റ്റർ, യു കെ രാഘവൻ മാസ്റ്റർ, ശ്രീധരൻ എന്നിവർ സംസാരിച്ചു. അരിക്കുളം, ചേമഞ്ചേരി, ചെങ്ങോട്ടുകാവ്, മൂടാടി എന്നിവിടങ്ങളിലും സമരം സംഘടിപ്പിച്ചു.
