എൻ.ജി.ഒ. അസോസിയേഷൻ നവജീവന യാത്രയ്ക്ക് സ്വീകരണം നൽകി
.
കൊയിലാണ്ടി: കേരള എൻ.ജി.ഒ. അസോസിയേഷൻ സംസ്ഥാന കമ്മിറ്റി സംഘടിപ്പിക്കുന്ന നവജീവന യാത്രയ്ക്ക് കൊയിലാണ്ടിയിൽ സ്വീകരണം നൽകി. സിവിൽ സ്റ്റേഷന് മുന്നിലൊരുക്കിയ സ്വീകരണം കെപിസിസി അംഗം മഠത്തിൽ നാണു മാസ്റ്റർ ഉദ്ഘാടനം ചെയ്തു. എൻ.ജി.ഒ. അസോസിയേഷൻ ജില്ലാ പ്രസിഡണ്ട് പ്രേംനാഥ് മംഗലശ്ശേരി അധ്യക്ഷത വഹിച്ചു. ജില്ലാ സെക്രട്ടറി കെ. ദിനേശൻ, കെ.പി.എസ്.ടി.എ. സംസ്ഥാന പ്രസിഡണ്ട് പി. കെ. അരവിന്ദൻ മുഖ്യപ്രഭാഷണം നടത്തി.
കെ.ജി.ഒ. യു താലൂക്ക് പ്രസിഡണ്ട് സാജിദ് അഹമ്മദ്, എൻ.ജി.ഒ. അസോസിയേഷൻ സംസ്ഥാന ഭാരവാഹികളായ ജി. എസ് ഉമാശങ്കർ, കെ. പ്രദീപൻ, ബിനു കോറോത്ത്, മോബിഷ് പി, തോമസ് ജില്ലാ ട്രഷറർ എം. ഷാജീവ് കുമാർ എന്നിവർ സംസാരിച്ചു.
എൻ.ജി.ഒ. അസോസിയേഷൻ സാംസ്കാരിക വിഭാഗമായ അരങ്ങ് പ്രവർത്തകർ അവതരിപ്പിച്ച “പത്തിൽ മാർക്കെത്ര ” എന്ന തെരുവ് നാടകം അവതരിപ്പിച്ചു.
“സ്റ്റോപ്പ് ഓർഗനൈസ്ഡ് ലൂട്ട്” എന്ന മുദ്രാവാക്യമുയർത്തിയുള്ള യാത്രയിൽ ജാഥാ ക്യാപ്റ്റൻ സംസ്ഥാന പ്രസിഡണ്ട് എ. എം ജാഫർഖാനും സംസ്ഥാന ജനറൽ സെക്രട്ടറി എ. പി. സുനിൽ വൈസ് ക്യാപ്റ്റനും സംസ്ഥാന ട്രഷറർ വി. പി. ബോബിൻ മാനേജരുമാണ്. യാത്ര 20 ന് നെയ്യാറ്റിൻകരയിൽ സമാപിക്കും.
