മൂടാടി ഗ്രാമപഞ്ചായത്ത് ചൂട് കുറക്കാൻ ഹീറ്റ് ആക്ഷൻ പദ്ധതി തയാറാക്കി
മൂടാടി ഗ്രാമപഞ്ചായത്ത് ചൂട് കുറക്കാൻ ഹീറ്റ് ആക്ഷൻ പദ്ധതി തയ്യാറാക്കി. സംസ്ഥാന ദുരന്ത നിവാരണ അതോറിറ്റിയുടെ സഹകരണത്തോടെയാണ് മൂടാടി ഗ്രാമപഞ്ചായത്ത് ഹീറ്റ് ആക്ഷൻ പദ്ധതി തയ്യാറാക്കുന്നത്. അന്തരീക്ഷ ഊഷ്മാവ് ക്രമാതീതമായി ഉയരുന്ന സാഹചര്യത്തിൽ ചൂടിനെ ഏതൊക്കെ വിധത്തിൽ പ്രതിരോധിക്കാൻ കഴിയുമെന്ന ആലോചനയാണ് പദ്ധതിയിലൂടെ ചെയ്യാൻ ഉദ്ദേശിക്കുന്നത്. പെട്ടെന്ന് ചെയ്യേണ്ടുന്ന പ്രവർത്തനങ്ങളും ദീർഘകാല അടിസ്ഥാനത്തിൽ നടപ്പിൽ വരുത്തേണ്ട കാര്യങ്ങളും പദ്ധതിയിൽ വിഭാവനം ചെയ്യുന്നു.
.
.
വിവിധ മേഖലകളിൽ പ്രവർത്തിക്കുന്നവരെ പങ്കെടുപ്പിച്ച് നടത്തിയ എകദിന ശില്പശാല കില മുൻ ഡയറക്ടറും കെ.എസ്.ഡി.എം.എ മെമ്പറുമായ ഡോ. ജോയ് ഇളമൺ ഉത്ഘാടനം ചെയ്തു. ജില്ലാ ദുരന്തനിവാരണ ഡെപ്യുട്ടി കലക്ടർ അനിത കെ.എസ്.ഡി.എം.എ, ഹസാർഡസ് അനലിസ്റ്റ് ഫഹദ്, ആർക്കിടെക്റ്റ് ആര്യ നരേന്ദ്രൻ എന്നിവർ വിവിധ സെഷനുകൾ കൈകാര്യം ചെയ്തു. ഗ്രൂപ്പ് ചർച്ചകൾ ഡോ. ജോയ് ഇളമൺ കോഡികരിച്ചു.
.
.
നോഡൽ ഓഫീസർ ടി. ഗിരീഷ് കുമാർ സംസാരിച്ചു. പ്രസിഡണ്ട് സി.കെ. ശ്രീകുമാർ അധ്യക്ഷത വഹിച്ചു. സെക്രട്ടറി ജിജി സ്വാഗതവും ആരോഗ്യ വിദ്യാഭ്യാസ സ്റ്റാൻ്റിംഗ് കമ്മിറ്റി ചെയർമാൻ ടി.കെ. ഭാസ്കരൻ നന്ദിയും പറഞ്ഞു.
