തെരഞ്ഞെടുപ്പിൽ തോറ്റാൽ ഇടതുപക്ഷം ഇല്ലാതാകില്ല; ബിനോയ് വിശ്വം
![](https://koyilandydiary.com/wp-content/uploads/2024/06/16-24-1024x943.jpg)
കോഴിക്കോട്: തെരഞ്ഞെടുപ്പിൽ തോറ്റാൽ ശൂന്യതയിലേക്ക് മാഞ്ഞുപോകുന്ന രാഷ്ട്രീയമല്ല ഇടതുപക്ഷം ഉയർത്തിപ്പിടിക്കുന്നതെന്ന് സിപിഐ സംസ്ഥാന സെക്രട്ടറി ബിനോയ് വിശ്വം. ലോക്സഭ തെരഞ്ഞെടുപ്പിലെ തോൽവിയോടെ ഇടതുപക്ഷം തീർന്നുവെന്ന് ചിലർ പ്രചരിപ്പിക്കുന്നുണ്ട്. സോവിയറ്റ് യൂണിയൻ തകർന്നപ്പോഴും തെരഞ്ഞെടുപ്പുകളിൽ തിരിച്ചടികൾ ഉണ്ടായപ്പോഴും ഇതുപോലുള്ള പ്രചാരണം ഉണ്ടായിരുന്നു.
![](https://koyilandydiary.com/wp-content/uploads/2022/09/SPECIALITY-AD-WIDE.jpg)
തോൽവിയുടെ കാരണം കണ്ടെത്തി തിരുത്തിമുന്നേറുകയാണ് എൽഡിഎഫ് ഏറ്റെടുക്കുന്ന ദൗത്യമെന്നും ബിനോയ് വിശ്വം പറഞ്ഞു. ടൗൺ ഹാളിൽ എ സി ഷൺമുഖദാസ് പുരസ്കാരം ഏറ്റുവാങ്ങി സംസാരിക്കുകയായിരുന്നു അദ്ദേഹം. എൻസിപി സംഘടിപ്പിച്ച സി കെ ഗോവിന്ദൻ നായർ–-എ സി ഷൺമുഖദാസ് അനുസ്മരണ സമ്മേളനം എൻസിപി (എസ്) സംസ്ഥാന പ്രസിഡന്റ് പി സി ചാക്കോ ഉദ്ഘാടനം ചെയ്തു. പുരസ്കാദാനവും നിർവഹിച്ചു. മന്ത്രി എ കെ ശശീന്ദ്രൻ അധ്യക്ഷനായി.
![](https://koyilandydiary.com/wp-content/uploads/2022/09/IMG-20240611-WA0019.jpg)
![](https://koyilandydiary.com/wp-content/uploads/2022/09/IMG-20240613-WA0139.jpg)