കൊയിലാണ്ടി നഗരസഭ എൽഡിഎഫ് വികസന മുന്നേറ്റ ജാഥ
കൊയിലാണ്ടി: കൊയിലാണ്ടി നഗരസഭ ഇടതുപക്ഷ ജനാധിപത്യ മുന്നണി വികസന മുന്നേറ്റ ജാഥ 19, 20, 21 തിയ്യതികളിൽ നടക്കും. വികസനരംഗത്ത് ഒട്ടേറെ പ്രവർത്തനങ്ങൾ നടത്തി ജനമനസ്സിൽ ചിരപ്രതിഷ്ഠ നേടിയ കൊയിലാണ്ടി നഗരസഭ കഴിഞ്ഞ 5 വർഷങ്ങൾ ജനങ്ങൾക്കായി ലഭ്യമാക്കിയ നേട്ടങ്ങൾ വിവരിക്കുന്നതിനായി വികസന മുന്നേറ്റ ജാഥ നടത്തുകയാണ്. ഭരണ പ്രതിപക്ഷ ഭേദമെന്യേ നഗരസഭയിലെ മുഴുവൻ വാർഡുകളിലും വികസനത്തിൻ്റെ വെള്ളിവെളിച്ചമെത്തിക്കാൻ നിലവിലെഭരണ സമിതിക്ക് കഴിഞ്ഞിട്ടുണ്ട്.
.
.
പ്രവർത്തന മികവിൽ സംസ്ഥാന തലത്തിൽ തന്നെ നിരവധി പുരസ്ക്കാരങ്ങൾ ലഭിച്ചിട്ടുള്ള നഗരസഭയാണ് കൊയിലാണ്ടി. നഗരസഭാ രൂപവൽക്കരണത്തിനു ശേഷം തുടർച്ചയായി ഭരണം നടത്തിയ എൽഡിഎഫ് ഭരണസമിതികളുടെ ഓരോ ഘട്ടത്തെയും പ്രവർത്തനങ്ങളുടെ ഫലമായി വൻ മാറ്റങ്ങളാണ് കൊയിലാണ്ടിയിൽ വന്നിട്ടുള്ളത്. വികസന രംഗത്തെ ശ്രദ്ധേയമായ ഈ മാറ്റങ്ങൾ വിശദീകരിക്കാനാണ് സി പി ഐ എം നഗരസഭാ കമ്മറ്റി വികസന മുന്നേറ്റ ജാഥ നടത്തുന്നത്.
.
.
സിപിഐഎം ഏരിയാ കമ്മറ്റിയംഗം കെ ഷിജുവാണ് ജാഥാ ലീഡർ. സുധ കിഴക്കെ പ്പാട്ട് ഡെപ്യൂട്ടി ലീഡറും, അഡ്വ. കെ സത്യൻ ജാഥാ പൈലറ്റും കെ ടി സിജേഷ് ജാഥാ മാനേജരുമാണ്. 19 ന് വൈകീട്ട് 5ന് മന്ദമംഗലത്ത് വച്ച് സിപിഐഎം ജില്ലാ സെക്രട്ടറി എം മെഹബൂബ് ജാഥ ഉദ്ഘാടനം ചെയ്യും. 20, 21 തിയ്യതികളിലാണ് ജാഥ പര്യടനം നടത്തുക. 21 ന് വൈകീട്ട് മുത്താമ്പിയിൽ നടക്കുന്ന സമാപന പരിപാടി സംസ്ഥാന കമ്മിറ്റി അംഗം പി മോഹനൻ മാസ്റ്റർ ഉദ്ഘാടനം ചെയ്യുമെന്ന് നേതാക്കൾ പറഞ്ഞു.
