കൊയിലാണ്ടി നഗരസഭ അതിദരിദ്ര പട്ടികയിൽ ഉൾപ്പെട്ട കുടുംബങ്ങൾക്ക് തിരിച്ചറിയൽ കാർഡ് വിതരണം ചെയ്തു
കൊയിലാണ്ടി നഗരസഭ അതിദരിദ്ര പട്ടികയിൽ ഉൾപ്പെട്ട കുടുംബങ്ങൾക്ക് തിരിച്ചറിയൽ കാർഡ് വിതരണം ചെയ്തു. കൊയിലാണ്ടി നഗരസഭ ചെയർപേഴ്സൺ സുധ കിഴക്കേപ്പാട്ട് കാർഡ് വിതരണ ഉദ്ഘാടനം നിർവഹിച്ചു. നഗരസഭ വൈസ് ചെയർമാൻ അഡ്വ: കെ. സത്യൻ അധ്യക്ഷത വഹിച്ചു. രമിത വി പദ്ധതി വിശദീകരണം നടത്തി.
അഞ്ചു വർഷംകൊണ്ട് ദാരിദ്ര്യം ഇല്ലായ്മ ചെയ്യുക എന്ന സംസ്ഥാന സർക്കാരിൻറെ കർമ്മപദ്ധതിയുടെ ഭാഗമായി ഓരോ തദ്ദേശസ്ഥാപനങ്ങളിലും സാമൂഹിക പങ്കാളിത്തത്തോടെ അതി ദരിദ്രരുടെ പട്ടിക തയ്യാറാക്കുകയും അനുഭവിക്കുന്ന വിഷമതകൾ ദൂരീകരിക്കുന്നതിന് വിശദമായ മൈക്രോ പ്ലാൻ തയ്യാറാക്കി ഹ്രസ്വകാല പദ്ധതികളും ദീർഘകാല പദ്ധതികളുമായി പ്രവർത്തനങ്ങൾ മുന്നോട്ടുപോകുന്നു. ഇതിൽ ഉൾപ്പെട്ടവർക്കായാണ് തിരിച്ചറിയൽ കാർഡ് വിതരണം ചെയ്തത്.
പൊതുമരാമത്ത് സ്റ്റാൻഡിങ് കമ്മിറ്റി ചെയർമാൻ ഇ. കെ. അജിത്ത് മാസ്റ്റർ, പ്രജില സി, നിജില പറവക്കൊടി, റഹ്മത്ത് കെ, ടി. വി. സുമതി, പി. ബി. ബിന്ദു എന്നിവർ ആശംസയർപ്പിച്ചു സംസാരിച്ചു. ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ കെ. ഷിജു സ്വാഗതവും സുമേഷ് കെ. ടി നന്ദിയും പറഞ്ഞു.
