കൊല്ലം അംബ തിയറ്റേഴ്സ് വീണ്ടും അരങ്ങിലേക്ക്
കൊയിലാണ്ടി: 1973 കാലഘട്ടത്തിൽ കലാ സാംസ്കാരിക കായിക രംഗത്ത് നിറസാന്നിധ്യമായിരുന്ന കൊല്ലം അംബ തിയറ്റേഴ്സ് വീണ്ടും അരങ്ങിലേക്ക്. വർഷങ്ങളായി നിർജീവമായി കിടക്കുകയായിരുന്ന തിയറ്റേഴ്സിലെ പഴയ കാല പ്രവർത്തകരിൽ ചിലർ ചേർന്ന് സമിതിക്ക് പുതുജീവൻപകരാൻ അഡ്ഹോക്ക് കമ്മിറ്റി രൂപീകരിക്കുകയും ഡിസംബർ ഒന്നാം തിയ്യതി പൊതുജന പങ്കാളിത്തത്തോടെ വിപുലമായ യോഗം കൊല്ലം അളകയിൽ വെച്ച് ചേരുകയും ചെയ്തു. ചെയർമാൻ പുന്നം കണ്ടി ഇ. മോഹനൻ അദ്ധ്യക്ഷത വഹിച്ചു.
.
.
പഴയകാലനാടക പ്രവർത്തകനും രചയിതാവും സംവിധായകനുമായ മേപ്പയിൽ ബാലകൃഷ്ണൻ യോഗം ഉദ്ഘാടനം നിർവ്വഹിച്ചു. തുടർന്ന് പ്രശസ്ത നാടക പ്രവർത്തകൻ ഉമേഷ് കൊല്ലം, വൈസ് ചെയർമാൻ കണ്ണാടിക്കൽ ശശി വൈദ്യർ, ഊർമ്മിള ടീച്ചർ, ട്രഷറർ ബാലൻ പത്താലത്ത്, ദാമോദരൻ കുനിയിൽ, കുറുവങ്ങാട് ശ്രീധരൻ, ES രാജൻ, റിട്ട. DDE ഉണ്ണികൃഷ്ണൻ പി.ടി, എം.കെ ശശി കൊയിലാണ്ടി [മീഡിയ കോർഡിനേറ്റർ] തുടങ്ങിയവർ ആശംസനേർന്ന് സംസാരിച്ചു. പഴയ കാല നാടക പ്രവർത്തകൻ കെ.എം ബാലകൃഷ്ണൻ സ്വാഗതം പറഞ്ഞു.
തുടർന്ന് ഭാവി പ്രവർത്തനങ്ങളെ കുറിച്ച് പങ്കെടുത്തവരിൽ നിന്നും അഭിപ്രായങ്ങൾ സ്വരൂപിക്കുകയും തുടർന്നുള്ള പ്രവർത്തനങ്ങൾക്ക് രൂപംനൽകുകയും ചെയ്തു. തുടർന്നുള്ള യോഗങ്ങളിൽ വിപുലമായ പരിപാടികൾ ആസൂത്രണം ചെയ്യാനും തീരുമാനമായി.
