കൊയിലാണ്ടി നഗരസഭ സൗജന്യമായി തുണി സഞ്ചികൾ വിതരണം ചെയ്തു
കൊയിലാണ്ടി: കൊയിലാണ്ടി നഗരസഭ സൗജന്യമായി തുണി സഞ്ചികൾ വിതരണം ചെയ്തു. “ശുചിത്വ കേരളം സുസ്ഥിര കേരളം” എന്ന ലക്ഷ്യത്തോടെ മാലിന്യമുക്തം നവകേരളം യാഥാർത്ഥ്യമാക്കുന്നതിനുള്ള ക്യാമ്പയിൻ പ്രവർത്തനത്തിന്റെ ഭാഗമായി പുനരുപയോഗ വസ്തുക്കൾ ഉപയോഗിച്ച് പ്ലാസ്റ്റിക് കവറുകളുടെ ദൂഷ്യവശങ്ങൾ ജനങ്ങളിൽ എത്തിക്കുന്നതിൻ്റെ ഭാഗമായാണ് തുണി സഞ്ചികൾ വിതരണം ചെയ്തത്.
കൊയിലാണ്ടി എംഎൽഎ കാനത്തിൽ ജമീല, നഗരസഭ ചെയർപേഴ്സൺ സുധ കെ പിക്ക് വിതരണം നടത്തിക്കൊണ്ട് ഉദ്ഘാടനം ചെയ്തു. നഗരസഭ ചെയർപേഴ്സൺ സുധ കിഴക്കേപ്പാട്ട് അധ്യക്ഷത വഹിച്ചു. കുടുംബശ്രീ മിഷൻ ജില്ലാ കോഡിനേറ്റർ പിസി കവിത, നവകേരള മിഷൻ ജില്ലാ കോഡിനേറ്റർ പിടി പ്രസാദ്, എന്നിവർ മുഖ്യാതിഥികളായി സംസാരിച്ചു.
സ്റ്റാൻഡിങ് കമ്മിറ്റി ചെയർമാൻമാരായ കെ എ ഇന്ദിര ടീച്ചർ, കെ ഷിജു മാസ്റ്റർ, ഇ കെ അജിത്ത് മാസ്റ്റർ, സി പ്രജില, നിജില പറവക്കൊടി, കൗൺസിലർമാരായ വിപി ഇബ്രാഹിംകുട്ടി, കെ കെ വൈശാഖ്, തഹസിൽദാർ ജയശ്രീ എസ് വാര്യർ എന്നിവർ ആശംസകൾ അർപ്പിച്ച് സംസാരിച്ചു. നഗരസഭ വൈ: ചെയർമാൻ അഡ്വ. കെ സത്യൻ സ്വാഗതവും നഗരസഭ ക്ളീൻ സിറ്റി മാനേജർ ടി കെ സതീഷ് കുമാർ നന്ദിയും പറഞ്ഞു.
