കേരള ഗ്രാമീൺ ബാങ്ക് ചെങ്ങോട്ടുകാവ് ശാഖ ഡിജിറ്റൽ സാമ്പത്തിക സാക്ഷരത ക്യാമ്പയിൻ നടത്തി
കൊയിലാണ്ടി: കേരള ഗ്രാമീൺ ബാങ്ക് ചെങ്ങോട്ടുകാവ് ശാഖ ഡിജിറ്റൽ സാമ്പത്തിക സാക്ഷരത ക്യാമ്പയിൻ നടത്തി. ചെങ്ങോട്ടുകാവ് ഗ്രാമ പഞ്ചായത്തിൻറെ സഹകരണത്തോടെ നടത്തിയ ചടങ്ങിൽ മുഖ്യാഥിതി പന്തലായനി ബ്ലോക്ക്‌ പഞ്ചായത്ത് പ്രസിഡണ്ട് പി ബാബുരാജ് ഉദ്ഘാടനം ചെയ്തു. ചെങ്ങോട്ടുകാവ് പഞ്ചായത്ത് പ്രസിഡണ്ട് ഷീബ മലയിൽ അധ്യക്ഷത വഹിച്ചു.
കേരള ഗ്രാമീണ ബാങ്ക് മുൻകൈ എടുത്ത് നടത്തുന്ന ഈ സാമ്പത്തിക സാക്ഷരത പരിപാടി മാതൃകപരമാണെന്നും സാധാരണക്കാരിലേക്ക് ബാങ്കിൻറെ ഇടപെടൽ കൂടുതലായി എത്തിച്ചേരാൻ ഇത് സഹായിക്കുമെന്നും അദ്ദേഹം അഭിപ്രായപെട്ടു. തുടർന്ന് മരണപെട്ട ഇന്ദിര ആലുള്ളകണ്ടിയുടെ പിഎംഎസ്ബിവൈ ഇൻഷുറൻസ് തുകയായ രണ്ട് ലക്ഷം രൂപ അവരുടെ കുടുംബത്തിന് പ്രസിഡണ്ട് കൈമാറി.
വിവിധ വായ്പപദ്ധതികളെ ക്കുറിച്ചുള്ള ക്ലാസ്സ്‌ നയിച്ച കേരള ഗ്രാമീണ ബാങ്ക് സീനിയർ മാനേജർ രഘുനാഥ് വിവിധങ്ങളായ വായ്പകളെക്കുറിച്ചും സബ്‌സിഡികളെ കുറിച്ചും വിശദമായി സംസാരിച്ചു. ഡിജിറ്റൽ ബാങ്കിംഗിൻറെ സാദ്ധ്യതകളെക്കുറിച്ചും വെല്ലുവിളികളെക്കുറിച്ചും ക്ലാസ്സ്‌ എടുത്തേ മുൻ എസ്ബിഐ ചീഫ് മാനേജർ മുകുന്ദൻ തിരുമംഗലത് ന്യൂ -ജൻ ബാങ്കിങ്ങിൻറെ വിശാലമായ സാദ്ധ്യതകളെ കുറിച്ച് സംസാരിച്ചു.
പുത്തൻ ബാങ്കിംഗ് രീതിയിൽ പതിയിരിക്കുന്ന വിവിധങ്ങളായ അപകടങ്ങൾ കുറിച്ച് ക്ലാസ്സ്‌ എടുത്ത അദ്ദേഹം, ജാഗരൂകരായി ഇരിക്കേണ്ടതിൻറെ ആവശ്യകത വ്യക്തമാക്കി.
ഗ്രാമീണ ബാങ്ക് ചെങ്കോട്ടുകാവ് മാനേജർ ഡിക്സൻ ഡേവിസ് എടപാടുകരുടെ സംശയങ്ങൾക്കും അന്വേഷണങ്ങൾക്കും മറുപടി പറഞ്ഞു. പഞ്ചായത്ത് വൈസ് പ്രസിഡണ്ട് വേണു പാലെട്ടെരി , സ്റ്റാൻഡിങ് കമ്മിറ്റി ചെയർമാൻ ബേബി സുന്ദർരാജ്, ബിന്ദു മുതിരക്കണ്ടതിൽ, ഗീത കരോൾ, ബ്ലോക്ക്‌ മെമ്പർ ജൂബിഷ്, സിഡിഎസ് ചെയർപേഴ്സൺ പ്രനീത, വാർഡ് മെമ്പർ രതീഷ് ആലുള്ളകണ്ടി എന്നിവർ ചടങ്ങിന് ആശംസ പറഞ്ഞു. ചെങ്കോട്ടുകാവ് കൃഷി ഓഫീസർ മുഫീദ്ദ നന്ദി രേഖപ്പെടുത്തി.
