കീം 2026: ഇന്നു മുതൽ അപേക്ഷ സമര്പ്പിക്കാം
.
എൻജിനിയറിങ്, ആർക്കിടെക്ചർ, ഫാർമസി, മെഡിക്കൽ, മെഡിക്കൽ അനുബന്ധ കോഴ്സുകളിലേക്കുള്ള സംസ്ഥാനത്തെ പ്രവേശന പരീക്ഷയായ കീം 2026 ന് ഇന്ന് മുതൽ അപേക്ഷ സമർപ്പിക്കാം.
കരുതിയിരിക്കാം അവശ്യ സർട്ടിഫിക്കറ്റുകൾ
Advertisements
സംവരണ ആനുകൂല്യം, ഫീസ് ആനുകൂല്യം എന്നിവ ലഭിക്കുന്നതിനായി കാറ്റഗറി/സംവരണം/വരുമാനം മുതലായ സർട്ടിഫിക്കറ്റുകൾ മുൻകൂർ വാങ്ങി വെയ്ക്കണം.
- പിന്നാക്ക വിഭാഗക്കാർ (എസ്ഇബിസി), ഒഇസി വിദ്യാർത്ഥികൾ പഠനാവശ്യങ്ങൾക്കായി സർക്കാർ നൽകുന്ന നോൺ ക്രീമിലെയർ സർട്ടിഫിക്കറ്റ് സമർപ്പിക്കണം. വില്ലേജ് ഓഫീസറാണ് സർട്ടിഫിക്കറ്റ് നൽകുന്നത്.
- എസ്-സി/എസ്ടി വിഭാഗക്കാർ തഹസിൽദാരിൽ നിന്നുള്ള ജാതി സർട്ടിഫിക്കറ്റ്.
- നോൺ ക്രീമിലെയറിൽപ്പെടാത്ത ഒഇസിക്കാർ വില്ലേജ് ഓഫീസർ നൽകുന്ന സമുദായ സർട്ടിഫിക്കറ്റ്.
- വാർഷികവരുമാനം അടിസ്ഥാനമാക്കിയുള്ള ഫീസ് ആനുകൂല്യം ലഭിക്കുന്നതിനായി ജനറൽ കാറ്റഗറിക്കാർ വരുമാന സർട്ടിഫിക്കറ്റ്.
- മിശ്ര വിവാഹിതരുടെ മക്കൾ വില്ലേജ് ഓഫീസറിൽ നിന്നും ലഭിക്കുന്ന നോൺ ക്രീമിലെയർ സർട്ടിഫിക്കറ്റ്.
- നേറ്റിവിറ്റി സർട്ടിഫിക്കറ്റ്: സ്കൂൾ സർട്ടിഫിക്കറ്റ്/ജനന സർട്ടിഫിക്കറ്റ് എന്നിവയിൽ ജനനസ്ഥലം രേഖപ്പെടുത്തിയിട്ടുണ്ടെങ്കിൽ അത് നേറ്റിവിറ്റി സർട്ടിഫിക്കറ്റായി പരിഗണിക്കും. അല്ലാത്തപക്ഷം വില്ലേജ് ഓഫീസിൽനിന്ന് നേറ്റിവിറ്റി സർട്ടിഫിക്കറ്റ് വാങ്ങണം.
- ഇഡബ്ല്യുഎസ്: സാമ്പത്തികമായി പിന്നാക്കം നിൽക്കുന്ന സംവരണേതര വിഭാഗക്കാർ വില്ലേജ് ഓഫീസിൽനിന്ന് സർട്ടിഫിക്കറ്റ് വാങ്ങണം.
- 31ന് വൈകിട്ട് അഞ്ച് വരെയാണ് അപേക്ഷ സമർപ്പിക്കേണ്ടത്. www.cee.kerala.gov.in എന്ന ഔദ്യോഗിക വെബ്സൈറ്റിലെ “കീം 2026 ഓൺലൈൻ ആപ്ലിക്കേഷൻ” എന്ന ലിങ്കിലൂടെയാണ് അപേക്ഷ സമർപ്പിക്കേണ്ടത്.
