തൊഴിൽ പരിശീലനം സമാപിച്ചു
കൊയിലാണ്ടി: കലിക്കറ്റ് യൂണിവേഴ്സിറ്റി ലൈഫ് ലോംഗ് ലേണിങ്ങ് & എക്സ്റ്റൻഷൻ വിഭാഗത്തിൻ്റെ സഹകരണത്തോടെ പൂക്കാട് കലാലയത്തിൽ നടന്ന പത്ത് ദിവസത്തെ തൊഴിൽ പരിശീലനം സമാപിച്ചു. സ്ത്രീശാക്തീകരണം ലക്ഷ്യമാക്കി ബ്യൂട്ടികൾച്ചർ കോഴ്സാണ് നടത്തിയത്. സമാപനദിവസത്തിൽ നടന്ന യോഗത്തിൽ വെച്ച് കലിക്കറ്റ് യൂനിവേഴ്സിറ്റി സിൻഡിക്കേറ്റ് അംഗം ഡോ. ടി. വസുമതി സർട്ടിഫിക്കറ്റുകൾ വിതരണം ചെയ്തു. കലാലയം പ്രസിഡണ്ട് യു.കെ. രാഘവൻ അധ്യക്ഷത വഹിച്ചു.
ലൈഫ് ലോംഗ് ലേണിങ്ങ് & എക്സ്റ്റൻഷൻ വിഭാഗത്തിൻ്റെ മേധാവി ഡോ. മഞ്ജു. എം.പി, പരിശീലക സജ്ന കെ.കെ. എന്നിവർ ആശംസകൾ നേർന്ന് സംസാരിച്ചു. പരിശീലകയ്ക്ക് കലാലയത്തിന് വേണ്ടി കെ. രാധാകൃഷ്ണൻ ഉപഹാരം സമർപ്പിച്ചു. പരിശീലനം നേടിയവർ അനുഭവങ്ങൾ വിശദീകരിച്ചു. യോഗത്തിൽ സുനിൽ തിരുവങ്ങൂർ സ്വാഗതവും ലൈഫ് ലോംഗ് ലേണിങ്ങ് & എക്സ്റ്റൻഷൻ വിഭാഗത്തിലെ സെക്ഷൻ ഓഫീസർ കെ.കെ. സുനിൽകുമാർ നന്ദിയും പറഞ്ഞു.
