ജനശ്രീ സുസ്ഥിര വികസന മിഷൻ കൊയിലാണ്ടി ബ്ലോക്ക് യൂണിയൻ ശില്പശാല സംഘടിപ്പിച്ചു
കൊയിലാണ്ടി: ജനശ്രീ സുസ്ഥിര വികസന മിഷൻ കൊയിലാണ്ടി ബ്ലോക്ക് യൂണിയൻ ശില്പശാല സംഘടിപ്പിച്ചു. ജില്ലാ ചെയർമാൻ എൻ സുബ്രമണ്യൻ ഉദ്ഘാടനം ചെയ്തു. ലഹരിക്കെതിരെ പ്രതിരോധം തീർക്കാൻ ജനശ്രീ മുന്നിട്ടിറങ്ങുമെന്ന് അദ്ദേഹം പറഞ്ഞു. മാറുന്ന ലോകത്ത് പുതിയ തലമുറയെ ഉൾക്കൊള്ളാനും അവർക്ക് വഴികാട്ടികളാകാനും രക്ഷിതാക്കൾക്ക് കഴിയണമെന്നും അദ്ദേഹം കൂട്ടിച്ചേർത്തു. ബ്ലോക്ക് യൂണിയൻ ചെയർമാൻ വി വി സുധാകരൻ അധ്യക്ഷത വഹിച്ചു.
മികച്ച ഗാനരചയിതാവിനുള്ള സാഹിത്യ അക്കാദമി അവാർഡ് ജേതാവ് രമേശ് കാവിലിനെ ആദരിച്ചു.
കഴിഞ്ഞ പ്ലസ്ടു പരീക്ഷയിൽ ഉന്നത വിജയികളായ ജനശ്രീ അംഗങ്ങളുടെ മക്കളായ റിൻസ ആർ കെ, ദേവഗംഗ പി എന്നിവരെ അനുമോദിച്ചു. ജനശ്രീ മ്യൂച്ചൽ ബെനിഫിറ്റ് ട്രസ്റ്റിൽ ഓഹരിയെടുത്ത സംഘങ്ങൾക്കുള്ള ലാഭവിഹിതം ചടങ്ങിൽ വിതരണം ചെയ്തു.
ജില്ലാ വർക്കിംഗ് ചെയർമാൻ ബിജു കാവിൽ ക്ലാസുകൾ നയിച്ചു. അഡ്വ. എം സതീഷ് കുമാർ, ആലിക്കോയ പുതുശ്ശേരി, സി. പി നിർമ്മല, സി. സുന്ദരൻ, ടി. പി രാഘവൻ, അൻസാർ കൊല്ലം, റഷീദ്‌ പുളിയഞ്ചേരി, മനോജ് പയറ്റുവളപ്പിൽ, കെ. സി സന്തോഷ്ബാബു എന്നിവർ സംസാരിച്ചു.
