പെൻഷൻ പരിഷ്കരണ കുടിശ്ശികയും ഡി.എ കുടിശ്ശികയും ഉടൻ അനുവദിക്കുക;
കൊയിലാണ്ടി: പെൻഷൻ പരിഷ്കരണ കുടിശ്ശികയും ഡി. എ കുടിശ്ശികയും ഉടൻ അനുവദിക്കണമെന്ന് കേരള സ്റ്റേറ്റ്‌ സർവ്വീസ് പെൻഷനേഴ്സ് യൂണിയൻ പന്തലായനി യൂണിറ്റ് സമ്മേളനം ആവശ്യപ്പെട്ടു. മെഡിസെപ്പിലെ അപാകതകൾ പരിഹരിക്കുവാനും, എല്ലാ വാർഡുകളിലും പകൽ വീടും ഹാപ്പിനെസ്സ് കോർണറുകളും സ്ഥാപിക്കണമെന്നും ആവശ്യപ്പെട്ട സമ്മേളനം കൊയിലാണ്ടി നഗരസഭ വെസ് ചെയർമാൻ അഡ്വ. കെ. സത്യൻ ഉദ്ഘാടനം ചെയ്തു. സി. രാമകൃഷ്ണൻ അധ്യക്ഷത വഹിച്ചു.
സംസ്ഥാന കമ്മിറ്റി അംഗം സി. അപ്പുക്കുട്ടി മുഖ്യ പ്രഭാഷണം നടത്തി. കെ.എസ്എസ്.പി.യു ബ്ലോക്ക് പ്രസിഡൻ്റ് പി.വി. രാജൻ, യൂണിറ്റ് സെക്രട്ടറി ടി. എം. സുധാകരൻ, ട്രഷറർ കെ.പി. രവീന്ദ്രൻ എന്നിവർ വിവിധ റിപ്പോർട്ടുകളും ശുഭ ആഞ്ഞോളി പ്രമേയവും അവതരിപ്പിച്ചു. പി. സുധാകരൻ, കെ. സുകുമാരൻ, ശ്രീധരൻ അമ്പാടി എന്നിവർ സംസാരിച്ചു. സമ്മേളനത്തിൽ ടി.എം.സുധാകരൻ സ്വാഗതവും എം.എം. ചന്ദ്രൻ നന്ദിയും പറഞ്ഞു.
പുതിയ ഭാരവാഹികളായി സി. രാമകൃഷ്ണൻ (പ്രസിഡൻ്റ്), ടി.എം. സുധാകരൻ (സെക്രട്ടറി), കെ.പി. രവീന്ദ്രൻ (ട്രഷറർ) എന്നിവരെ തെരഞ്ഞെടുത്തു.
