ചരിത്രത്തിലാദ്യമായി ലക്ഷം കടന്ന് സ്വർണവില; പവന് 1,01,600 രൂപ
.
ചരിത്രത്തിലാദ്യമായി ലക്ഷം കടന്ന് സ്വർണവില. പവന് 1,01,600 രൂപയായി. 1760 രൂപയാണ് പവന് ഇന്ന് കൂടിയത്. ഗ്രാമിന് 12,700 രൂപയാണ് വില. ഈ വർഷം മാത്രം കൂടിയത് 44, 800 രൂപയാണ്. കഴിഞ്ഞദിവസം രണ്ട് തവണയാണ് സ്വർണ വില കൂടിയത്. 1440 രൂപയാണ് വര്ധിച്ചത്. പണിക്കൂലിയും നികുതിയും ഉള്പ്പെടെ നേരത്തെ തന്നെ സ്വര്ണ വില ഒരു ലക്ഷം കടന്നിരുന്നു.
ഈ മാസത്തിന്റെ തുടക്കത്തില് 95,680 രൂപയായിരുന്നു ഒരു പവന് സ്വര്ണത്തിന്റെ വില. 9ന് 94,920 രൂപയായി ഇടിഞ്ഞ് ഈ മാസത്തെ ഏറ്റവും താഴ്ന്ന നിലവാരത്തില് എത്തിയിരുന്നെങ്കിലും പിന്നീടങ്ങോട് സ്വർണവില കുതിക്കുകയായിരുന്നു. ആഗോള ഭൗമ രാഷ്ട്രീയ പ്രതിസന്ധികള്ക്കിടയില് സ്വര്ണം സുരക്ഷിത നിക്ഷേപമായി തുടരുന്നതാണ് സ്വര്ണവിലക്കുതിപ്പിന് കാരണമായത്.
Advertisements
