മാലിന്യമുക്തം നവകേരളം ജനകീയ ക്യാമ്പയിൻ കൊയിലാണ്ടി നഗരസഭ ജില്ലയിൽ ഓന്നാമത്
കൊയിലാണ്ടി: മാലിന്യമുക്തം നവകേരളം ജനകീയ ക്യാമ്പയിൻ കൊയിലാണ്ടി നഗരസഭ ജില്ലയിൽ ഓന്നാമത്. 2024 ഒക്ടോബർ 2 ഗാന്ധിജയന്തി ദിനം മുതൽ അന്താരാഷ്ട്ര സീറോ വേസ്റ്റ് ദിനമായ മാർച്ച് 30 വരെ ശുചിത്വ മാലിന്യ സംസ്കരണ രംഗത്ത് നഗരസഭയിൽ നടത്തിയ പ്രവർത്തനങ്ങൾക്കാണ് അവാർഡ് ലഭിച്ചിട്ടുള്ളത്.
കോഴിക്കോട് വി അബ്ദുറഹിമാൻ സ്മാരക ഹാളിൽ നടന്ന ചടങ്ങിൽ വനം വന്യജീവി വകുപ്പ് മന്ത്രി എ കെ ശശീന്ദ്രനിൽ നിന്നും നഗരസഭ ചെയർപേഴ്സൺ സുധ കിഴക്കേപ്പാട്ടും വൈ. ചെയർമാൻ അഡ്വ. കെ സത്യനും സ്റ്റാൻഡിങ് കമ്മിറ്റി ചെയർമാൻമാരും ഉദ്യോഗസ്ഥരും ചേർന്ന് അവാർഡ് ഏറ്റുവാങ്ങി.
മികച്ച രീതിയിൽ സൗന്ദര്യവൽക്കരണം നടത്തിയതിനും, മികച്ച പൊതു സ്ഥലങ്ങൾ സൃഷ്ടിച്ചതിനും, മികച്ച ഹരിത പൊതുസ്ഥലങ്ങൾ സൗന്ദര്യവൽക്കരിച്ചതിനുമുള്ള അവാർഡുകളും കൊയിലാണ്ടി നഗരസഭയ്ക്കാണ് ലഭിച്ചിട്ടുള്ളത്.
