കത്ത് വിവാദത്തിൽ നിയമനടപടിയുമായി മുൻ മന്ത്രി തോമസ് ഐസക്. വ്യവസായി മുഹമ്മദ് ഷർഷാദിന് നോട്ടീസ് അയച്ചു
പി ബി ക്ക് കൊടുത്ത കത്ത് ചോർന്നെന്ന് വ്യാജമായി പ്രചരിപ്പിച്ച് വിവാദമുണ്ടാക്കിയ വ്യവസായിക്കെതിരെ നിയമനടപടിയുമായി മുൻ ധനമന്ത്രിയും സിപിഐഎം നേതാവുമായ ഡോ. ടി എം തോമസ് ഐസക്ക്. ചെന്നൈ വ്യവസായി മുഹമ്മദ് ഷർഷാദിന് നോട്ടീസ് അയച്ചു. ഒരു കോടി രൂപ നഷ്ടപരിഹാരം ആവശ്യപ്പെട്ടാണ് വക്കീൽ നോട്ടീസ് അയച്ചത്. അഭിഭാഷകൻ മുഖേനയാണ് വക്കീൽ നോട്ടീസ് അയച്ചത്.
വിവാദമായ കത്തിൽ എംബി രാജേഷ്, തോമസ് ഐസക്ക്, പി. ശ്രീരാമകൃഷ്ണൻ എന്നിവരുടെ ബിനാമിയാണ് യു കെ വ്യവസായിയായ രാജേഷ് കൃഷ്ണയെന്ന് ആരോപിച്ചിരുന്നു. മാത്രമല്ല വിദേശത്തെ ചില കടലാസ് കമ്പനികളുടെ പേരിൽ തീരദേശ മേഖലയിൽ ചില പദ്ധതികൾ കൊണ്ട് വരികയും അതിന്റെ പേരിൽ കടലാസ് കമ്പനി ഉടമകളുടെ കൈയ്യിൽ നിന്ന് സിപിഐഎമ്മിന്റെ നേതാക്കൾ പണം വാങ്ങിയെന്നടക്കമുള്ള ആരോപണങ്ങളും പി ബിക്ക് നൽകിയ കത്തിൽ ഉണ്ടായിരുന്നെന്നാണ് പറഞ്ഞിരുന്നത്.
