ഫുട്ബോളർ ടി. കെ. ചാത്തുണ്ണി (80) അന്തരിച്ചു
![](https://koyilandydiary.com/wp-content/uploads/2024/06/33-8-1024x943.jpg)
മുൻ ഇന്ത്യൻ ഫുട്ബോളറും സുപ്രസിദ്ധ കോച്ചുമായിരുന്ന ടി. കെ. ചാത്തുണ്ണി അന്തരിച്ചു. 80 വയസ്സായിരുന്നു. ശക്തനും ബുദ്ധിമാനുമായ ഒരു ഡിഫണ്ടർ ആയിരുന്നെങ്കിലും മത്സരത്തിന്റെ സ്വാഭാവമനുസരിച്ച് തന്റെ ടീമിനെ വിജയത്തിലെത്തിക്കുന്നതിന് ഒരേ സമയം ഡിഫണ്ടറിലും ആക്രമണ നിരയിലും കളിച്ച കളിക്കാരനായിരുന്നു ചാത്തുണ്ണി.
![](https://koyilandydiary.com/wp-content/uploads/2022/09/SPECIALITY-AD-WIDE.jpg)
അദ്ധേഹം ഫുട്ബാൾ ജീവിതം ആരംഭിക്കുന്നത് ഇ.എം. ഇ സെന്റർ സെക്കന്ദരബാദ് ടീമിലൂടെയായിരുന്നു. കേരളത്തിനും, ഗോവക്കും, സർവീസസ്സിനും സന്തോഷ് ട്രോഫി ടൂർണമെന്റിൽ കളിച്ചിട്ടുണ്ട്. 1977 മുതൽ നാഷണൽ ഫുട്ബോൾ ലീഗ് ടൂർണമെന്റുകളിൽ FC കൊച്ചിൻ, ഗോവയിലെ ഡെമ്പോ സോക്കർ ക്ലബ്, സൽഗോക്കർ FC, ചർച്ചിൽ ബ്രദർസ് സോക്കർ ക്ലബ് , ചിരാഗ് യുണൈറ്റഡ് ക്ലബ്, കൽക്കത്തയിലെ മോഹൻ ബഗാൻ FC, ജോസ്കോ FC എന്നീ ടീമുകളുടെ പരിശീലകനായി പ്രവർത്തിച്ചിരുന്നു. ഇന്ന് കാലത്ത് 7.45ന് കാരക്കുടിയിലെ സ്വകാര്യ ആശുപത്രിയിലായിരുന്നു അന്ത്യം.
![](https://koyilandydiary.com/wp-content/uploads/2022/09/IMG-20240611-WA0019.jpg)
![](https://koyilandydiary.com/wp-content/uploads/2022/09/IMG-20240611-WA0019.jpg)
ഫുട്ബോളിൽ ഇന്ത്യയുടെ കറുത്ത മുത്ത് എന്നറിയപ്പെടുന്ന ഐ. എം. വിജയൻ, ജോപോൾ അഞ്ചേരി തുടങ്ങിയ കളിക്കാരെ ഫുട്ബോളിന്റെ ബാലപാടങ്ങൾ പഠിപ്പിച്ച് ഉയരങ്ങളിൽ എത്തിച്ചതും ചാത്തുണ്ണി എന്ന ഈ കോച്ചായിരുന്നു എന്നതും സ്മരിക്കേണ്ടതുണ്ട്. അദ്ദേഹത്തിന്റെ വിയോഗം കുടുംബത്തിനും ഇന്ത്യൻ ഫുട്ബോളിനും ഒരു തീരാ നഷ്ടം തന്നെയാണ്.
![](https://koyilandydiary.com/wp-content/uploads/2022/09/shobika-box.jpg)
![](https://koyilandydiary.com/wp-content/uploads/2022/09/IMG-20240613-WA0139.jpg)