മത്സ്യവിതരണ സംസ്‌കരണ തൊഴിലാളി യൂണിയൻ (സിഐടിയു) ജില്ലാ സമ്മേളനം
കൊയിലാണ്ടി: കോഴിക്കോട് ജില്ലാ മത്സ്യവിതരണ സംസ്‌കരണ തൊഴിലാളി യൂണിയൻ (സിഐടിയു) ജില്ലാ സമ്മേളനം കൊയിലാണ്ടിയിൽ നടന്നു. വി എസ് അച്ചുതാനന്ദൻ നഗറിൽ നടന്ന സമ്മേളനത്തിന് ജില്ലാ പ്രസിഡണ്ട് സി.പി മുസാഫർ അഹമ്മദ് പതാക ഉയർത്തി. സിഐടിയു ജില്ലാ ജനറൽ സിക്രട്ടറി പി. കെ. മുകുന്ദൻ ഉദ്ഘാടനം ചെയ്തു. രക്തസാക്ഷി മണ്ഡപത്തിലെ പുഷ്‌പാച്ചനക്ക് ശേഷം സ്വാഗത സംഘം ചെയർമാൻ അശ്വനിദേവ് സ്വാഗതം പറഞ്ഞു. മുസാഫർ അഹമ്മദ് അദ്ധ്യക്ഷനായ പ്രസീഡിയം സമ്മേളന നടപടികൾ നിയന്ത്രിച്ചു.
.
.
.
മത്സ്യ വിതരണ സംസ്‌കരണ തൊഴിലാളി ഫെഡറേഷൻ സംസ്ഥന സെക്രട്ടറി സഫറുള്ള സംഘടന റിപ്പോർട്ടും. ജില്ലാ സെക്രട്ടറി കോയമോൻ പ്രവർത്തന റിപ്പോർട്ടും അവതരിപ്പിച്ചു. സി ഐ ടി യു ജില്ല വൈസ് പ്രസിഡണ്ട് കെദാസൻ അഭിവാദ്യം ചെയ്തു. യൂണിയൻ മുൻ ജില്ലാ പ്രസിഡൻ്റ് സി. കുഞ്ഞമ്മദിനെ ആദരിച്ചു. പ്രവർത്തന റിപ്പോർട്ടിൽ ന്മേൽ നടന്ന ചർച്ചക്കും മറുപടിക്കും ശേഷം പുതിയ ഭാരവാഹികളെ തിരഞ്ഞെടുത്തു.
.
.
സഖാക്കൾ സി. നാസർ (പ്രസിഡന്റ്) എ ടി അബ്ദുൾ ഷുക്കൂർ (ജനറൽ സെക്രട്ടറി), സി പി ചന്ദ്രൻ (ട്രഷറർ), വൈസ്പ്രസിഡണ്ടുമാർ എൻ വി കോയമോൻ, കെ രതീഷ് കുമാർ. സി സി അബൂബക്കർ. കെ.പി.സലീം. (ജോയന്റ് സെക്രട്ടറിമാർ) സി.സി മൻസൂർ. ഇ ടി നന്ദകുമാർ. എം എ ഷാജി. ടി.കെ. ശംസുദ്ദീൻ എന്നിവരെ തിരഞ്ഞെടുത്തു. ആഴക്കടൽ മത്സ്യബന്ധനത്തിന് തടസ്സമാവുന്ന വിധത്തിൽ കേന്ദ്ര സർക്കാർ നടപ്പിലാക്കുന്ന കടൽഖനന നിയമം പിൻവലിക്കുക, കോഴിക്കോട് സെട്രൽ മാർക്കറ്റ് ആധുനിക രീതിയിൽ പുനർ നിർമ്മിക്കുന്ന പ്രവർത്തി ഉടൻ ആരംഭിക്കണമെന്നും സമ്മേളനം പ്രമേയത്തിലൂടെ ആവശ്യപ്പെട്ടു.
