തിരുവങ്ങൂർ ശ്രീ ഭഗവതി ക്ഷേത്ര മഹോത്സവത്തിന് കൊടിയേറി
കൊയിലാണ്ടി: ശ്രീ പിഷാരികാവ് ക്ഷേത്ര മഹോത്സവത്തോടനുബന്ധിച്ച് തിരുവങ്ങൂർ ശ്രീ ഭഗവതി ക്ഷേത്രത്തിൽ കൊടിയേറി. ക്ഷേത്രം മേൽശാന്തി ഇ എം റിനീഷ് ശർമ്മയുടെ കാർമികത്വത്തിലാണ് കൊടിയേറിയത്. അഞ്ചാം തിയ്യതി പിഷാരികാവിലേക്കുള്ള ഇളനീർ കാവ് പുറപ്പാട് കഴിയുന്നതോടെ ഉത്സവത്തിന് സമാപനം കുറിക്കും.
ഉത്സവത്തോടനുബന്ധിച്ച് ഇളനീർ കുല മുറിയും, പ്രത്യേക പൂജകളും, വിവിധ കലാപരിപാടികളും ഉണ്ടാകുമെന്ന് ക്ഷേത്രം ഭാരവാഹികളായ ടി.സി. സുരേന്ദ്രൻ, വാസു എടവനക്കണ്ടി, മധുസൂധനൻ കെ പുതിയോട്ടിൽ, രഞ്ജിത്ത് പി.കെ എന്നിവർ അറിയിച്ചു.
