വർഷങ്ങളായി കാടുമൂടി കിടന്ന ഒറോക്കുന്ന് മലയിൽ കൃഷിയിറക്കുന്നു
നടുവത്തൂർ ഒറോക്കുന്ന് മലയിൽ വർഷങ്ങളായി കാടുമൂടി കിടന്ന പ്രദേശം കൃഷി യോഗ്യമാക്കുന്നു. കൊയിലാണ്ടി സ്റ്റേഷനിലെ സിവിൽ പോലീസ് ഓഫീസറായ ഒ. കെ. സുരേഷാണ് കൃഷി ചെയ്യാനായി രംഗത്തിറങ്ങിയത്. നേന്ത്രവാഴ, പച്ചക്കറി, കിഴങ്ങ് വർഗ്ഗങ്ങൾ, ഇടവിള കൃഷികൾ എന്നിവയെല്ലാം സംയോജിപ്പിച്ച് കൃഷി ചെയ്യുകയാണിവിടെ.
കൃഷിയൊരുക്കലിന്റെ ഉദ്ഘാടനം കീഴരിയൂർ കൃഷി ഓഫീസർ അശ്വതി ഹർഷൻ നടത്തി. കൃഷി അസിസ്റ്റന്റുമാരായ ഷാജി. അശ്വതി, ശോഭ എൻ.ടി, ആശ്രമം ഹൈസ്കൂളിലെ ഗൈഡ്സ് വിദ്യാർത്ഥികൾ എന്നിവർ ചടങ്ങിൽ പങ്കെടുത്തു.
