സരസ് ചന്ദ്രൻ മെമ്മോറിയൽ ക്രിക്കറ്റ് ടൂർണമെൻ്റിൽ കൗണ്ടി കണ്ണൂർ വിജയികളായി
കൊയിലാണ്ടി: രണ്ട് ദിവസമായി കൊയിലാണ്ടിയൽ നടന്നുവരുന്ന സരസ് ചന്ദ്രൻ മെമ്മോറിയൽ ക്രിക്കറ്റ് ടൂർണമെൻ്റിൽ കൗണ്ടി കണ്ണൂർ വിന്നേഴ്സ് ട്രോഫിയും, എലൊ ആർമി തലശ്ശേരി വിന്നേഴ്സ് ട്രോഫിയും കരസ്ഥമാക്കി. അകാലത്തിൽ പൊലിഞ്ഞ മികച്ച ക്രിക്കറ്റ് കളിക്കാരനും, അമേരിക്കയിൽ എഞ്ചിനീയറുമായിരുന്ന കൊഴുക്കല്ലൂർ സരസ് ചന്ദ്രന്റെ ഓർമ്മക്കായി അദ്ദേഹത്തിന്റെ കുടുംബമാണ് കൊയിലാണ്ടി സ്റ്റേഡിയത്തിൽ ക്രിക്കറ്റ് ടൂർണമെൻ്റ് സംഘടിപ്പിച്ചത്.
ഇന്നലെ ആരംഭിച്ച മത്സരം കൊയിലാണ്ടി നഗരസഭാ വൈസ് ചെയർമാൻ അഡ്വ. കെ. സത്യൻ ഉൽഘാടനം നിർവ്വഹിച്ചു. ഉത്തര കേരളത്തിൽ നിന്നുള്ള എട്ട് ടീമുകൾ മത്സരത്തിൽ പങ്കെടുത്തു. അച്ചടക്കവും ആവേശവും നിറഞ്ഞ കളികൾ നല്ല നിലവാരം പുലർത്തി.
സമാപന ചടങ്ങിൽ മുഖ്യാഥിതിയായ കൊയിലാണ്ടി പോലീസ് സബ്ബ് ഇൻസ്പക്ടർ എ. അനീഷ് വിജയികൾക്ക് ട്രോഫികളും, ക്യാപ്റ്റൻ രാമചന്ദ്രൻ (Rtd) മേജർ സരൾ ചന്ദ്രൻ (സരസ് ചന്ദ്രന്റെ അച്ഛനും സഹോദരനും) മെഡലുകളും, സർട്ടിഫിക്കറ്റുകളും, സംസ്ഥാന ബോക്സിംഗ് ടീമിൽ തിരഞ്ഞെടുക്കപ്പെട്ട സത്യ വിനായകിന് മൊമന്റോയും ക്യാഷ് അവാർഡും നൽകി ആദരിച്ചു.
