കോൺഗ്രസ് ഭിക്ഷ തെണ്ടൽ സമരം നടത്തി
കൊയിലാണ്ടി: സപ്ലൈകോ വില വർദ്ധനവിൽ പ്രതിഷേധിച്ച് കൊയിലാണ്ടി സൗത്ത് മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ ഭിക്ഷ തെണ്ടൽ സമരം സംഘടിപ്പിച്ചു. കൊയിലാണ്ടി ദേശീയപാതയോരത്താണ് പ്രവർത്തകർ അണിനിരന്നത്. കെപിസിസി അംഗം രാമചന്ദ്രൻ മാസ്റ്റർ ഉദ്ഘാടനം നിർവഹിച്ചു. മണ്ഡലം പ്രസിഡണ്ട് അരുൺ മണമൽ അധ്യക്ഷത വഹിച്ചു.
മുരളി തോറോത്ത്, വി ടി സുരേന്ദ്രൻ, എം എം ശ്രീധരൻ, മനോജ് കാളകണ്ടം, എന്നിവർ സംസാരിച്ചു. ശ്രീജ റാണി, വി വി പത്മനാഭൻ, അശോകൻ ഇ, മനോജ് പയറ്റു വളപ്പിൽ, സതീശൻ ചിത്ര, വി കെ സുധാകരൻ, സിപി മോഹനൻ, കെ വി റീന, ലാലിഷ, തുടങ്ങിയവർ നേതൃത്വം നൽകി.
