തീരദേശ ഹർത്താലും കൊയിലാണ്ടി എംഎൽഎ ഓഫീസ് മാർച്ചും

കൊയിലാണ്ടി. സപ്തംബർ ഒന്നിന് കൊയിലാണ്ടിയിൽ തീരദേശ ഹർത്താലും എം എൽ എ ഓഫീസ് മാർച്ചും സംഘടിപ്പിക്കുന്നതായി തീരദേശസംരക്ഷണ സമിതി. സെപ്റ്റംബർ ഒന്നിന് രാവിലെ 6 മുതൽ വൈകീട്ട് 3 വരെയാണ് തീരദേശ ഹർത്താൽ, കാപ്പാട് – കൊയിലാണ്ടി ഹാർബർ റോഡിന്റെ ശോചനീയാവസ്ഥ പരിഹരിക്കുക, കൊല്ലം ചെറിയതോടിനും, കൂത്തംവള്ളി തോടിന് പാലവും – റോഡും നിർമ്മിക്കുക, തകർന്ന ഹാർബർ പാറക്കൽ താഴ റോഡ് പുനർ നിർമ്മിക്കുക തുടങ്ങിയ ആവശ്യങ്ങൾ ഉന്നയിച്ചാണ് പ്രക്ഷോഭം നടത്തുന്നതെന്ന് ഭാരവാഹികൾ അറിയിച്ചു. അന്നേ ദിവസം രാവിലെ എം എൽ എ ഓഫീസിലെക്കുള്ള മാർച്ച് ഹാർബർ പരിസരത്തു നിന്നും ആരംഭിക്കുമെന്ന് ഇവർ അറിയിച്ചു.