ബസ് സർവീസ് നിർത്തിവെച്ച് സമരം സംഘടിപ്പിക്കുമെന്ന് ബസ്സ് ഓപ്പറേറ്റേഴ്സ് അസോസിയേഷൻ
കൊയിലാണ്ടി: റോഡുകളുടെ തകർച്ച.. ബസ് സർവീസ് നിർത്തിവെച്ച് സമരം സംഘടിപ്പിക്കുമെന്ന് ബസ്സ് ഓപ്പറേറ്റേഴ്സ് അസോസിയേഷൻ. കൊയിലാണ്ടി താലൂക്കിലെ വിവിധ ഭാഗങ്ങളിലെ റോഡുകൾ ഗതാഗത യോഗ്യമല്ലാത്ത വിധം പൊട്ടിപൊളിഞ്ഞതിനാൽ സർവ്വീസ് നടത്താൻ പറ്റാത്ത സാഹചര്യമാണെന്ന് പ്രൈവറ്റ് ബസ് ഓപ്പറേറ്റേഴ്സ് അസോസിയേഷൻ പ്രസ്താവിച്ചു. കൊയിലാണ്ടി – വടകര, കൊയിലാണ്ടി – കോഴിക്കോട്, കൊയിലാണ്ടി – മേപ്പയ്യൂർ, മുത്താമ്പി റോഡുകളാണ് പൂർണ്ണമായി തകർന്നത്.
റോഡിലെ കുഴികളിൽ വീണ് പല ദിവസങ്ങളിലും ട്രിപ്പ് മുടങ്ങുന്നതും കൂടാതെ ജീവനക്കാർക്ക് തൊഴിൽ ചെയ്യാൻ പറ്റാത്ത അവസ്ഥയുമാണുള്ളത്, ഈ പ്രശ്നത്തിന് പരിഹാരം കണ്ടില്ലെങ്കിൽ ബസ് സർവീസ് നിർത്തിവെച്ച് സമരപരിപാടികൾ സംഘടിപ്പിക്കുമെന്ന് അസോസിയേഷൻ നേതാക്കളായ പി.പി. അബ്ദുള്ള, ടി.കെ. ദാസൻ, എ.വി. സത്യൻ എന്നിവർ പറഞ്ഞു.
