കൊയിലാണ്ടിയിൽ തോണി മറിഞ്ഞ് അപകടം; മൂന്ന് മത്സ്യതൊഴിലാളികളെ രക്ഷപ്പെടുത്തി

കൊയിലാണ്ടി ഹാർബറിൽ നിന്നും മത്സ്യബന്ധനത്തിനിടെ തോണി മറിഞ്ഞ് അപകടം. മൂന്ന് മത്സ്യതൊഴിലാളികളെ രക്ഷപ്പെടുത്തി. ഇന്ന് രാവിലെ മത്സ്യബന്ധനത്തിനു പോയ ഗരുഡ തോണിയാണ് ശക്തമായ തിരമാലയിൽ മറിഞ്ഞത്. തോണിയിൽ അസീസ്, ഷിനു, സന്തോഷ് എന്നിവരാണുണ്ടായിരുന്നത്. ശക്തമായ തിരമാലയിൽ തോണി മറിഞ്ഞ് തൊഴിലാളികൾ കടലിലേക്ക് വീഴുകയായിരുന്നു. ഇത് കണ്ട മറ്റ് വഞ്ചിയിലെ തൊഴിലാളികൾ മൂന്നുപേരെയും രക്ഷപ്പെടുത്തുകയായിരുന്നു. പരിക്കേറ്റ അസീസ് കൊയിലാണ്ടി താലൂക്ക് ആശുപത്രിയിൽ ചികിത്സ തേടി.