പന്തലായനി ബിആർസിയുടെ നേതൃത്വത്തിൽ ബ്ലോക്ക് തല സെമിനാർ സംഘടിപ്പിച്ചു

പൊതുവിദ്യാഭ്യാസ വകുപ്പും സമഗ്ര ശിക്ഷാ കേരളയും സംയുക്തമായി പന്തലായനി ബിആർസിയുടെ നേതൃത്വത്തിൽ ബ്ലോക്ക് തല സെമിനാർ സംഘടിപ്പിച്ചു. സമഗ്ര ഗുണമേന്മ വിദ്യാഭ്യാസ പരിപാടിയുമായി ബന്ധപ്പെട്ട് കോൺഫറൻസ് ഹാളിൽ വെച്ച് നടന്ന സെമിനാറിന്റെ ഉദ്ഘാടനം പന്തലായനി ബ്ലോക്ക് പഞ്ചായത്ത് പ്രസിഡണ്ട് പി. ബാബുരാജ് നിർവഹിച്ചു. മുനിസിപ്പാലിറ്റി ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ കെ. ഷിജു മാസ്റ്റർ അധ്യക്ഷത വഹിച്ചു.

സമഗ്ര ശിക്ഷ കേരള കോഴിക്കോട് പ്രോഗ്രാം ഓഫീസർ ഡോക്ടർ അഭിലാഷ് പദ്ധതി വിശദീകരണം നടത്തി. കൊയിലാണ്ടി AEO മഞ്ജു മുഖ്യാതിഥിയായി പങ്കെടുത്തു. HM ഫോറം സെക്രട്ടറി പ്രജീഷ് എൻ.ഡി ആശംസകൾ നേർന്നു. വിവിധ വിദ്യാലയങ്ങളിലെ പ്രധാന അധ്യാപകരും ബിആർസി പ്രവർത്തകരും സെമിനാറിൽ പങ്കെടുത്തു. ചടങ്ങിൽ പന്തലായനി ബിപിസി മധുസൂദനൻ. എം സ്വാഗതവും പന്തലായനി ബിആർസി ട്രെയിനർ വികാസ് കെ എസ്  നന്ദിയും പറഞ്ഞു.