അവശ്യ സാധനവില വർദ്ധിപ്പിച്ചെന്നാരോപിച്ച് കൊയിലാണ്ടിയിൽ ബി ജെ പി പ്രതിഷേധ പൊതുയോഗം
കൊയിലാണ്ടി: മാവേലി സ്റ്റോറുകളിലെ അവശ്യ സാധനവില വർദ്ധിപ്പിച്ചെന്നാരോപിച്ച് ബി ജെ പി കൊയിലാണ്ടി മണ്ഡലം കമ്മറ്റിയുടെ നേതൃത്വത്തിൽ പ്രതിഷേധ പ്രകടനവും പൊതുയോഗവും നടത്തി. ബി ജെ പി ജില്ല ട്രഷറർ വി.കെ ജയൻ പ്രകടനം ഉദ്ഘാടനം ചെയ്തു. കൊയിലാണ്ടി മണ്ഡലം പ്രസിഡണ്ട് എസ്. ആർ ജയ്കിഷ് അധ്യക്ഷത വഹിച്ചു.
കൊയിലാണ്ടി മണ്ഡലം സെക്രട്ടറിയും നഗരസഭ കൗൺസിലറുമായ കെ കെ വൈശാഖ്, ടി.പി പ്രീജിത്ത്, ജിതേഷ് കാപ്പാട്, വിനോദ് കാപ്പാട്, രവി വല്ലത്ത്, സജീവ് കുമാർ, രാജീവൻ ഏഴുകുടിക്കൽ, വിനിൽ രാജ്, സന്തോഷ് പയറ്റുവളപ്പിൽ, അനൂപ് സി എം, പി സുരേന്ദ്രൻ, അശോകൻ എ.കെ എന്നിവർ നേതൃത്വം നൽകി.
