പിടിച്ചുപറി കേസിലെ പ്രതി റെയിൽവേ സ്റ്റേഷനിലെ ശുചിമുറി ജനാല വഴി രക്ഷപ്പെട്ട സംഭവം. 3 ദിവസത്തിനുശേഷം പ്രതിയെ പിടികൂടി

ശുചിമുറിയിൽ പോകാൻ വിലങ്ങഴിച്ച പിടിച്ചുപറിക്കേസിലെ പ്രതി ജനാല വഴി രക്ഷപ്പെട്ട സംഭവം. 3 ദിവസത്തിനുശേഷം പ്രതിയെ പോലീസ് പിടികൂടി. പ്രതി വിഷ്ണു ഉല്ലാസ് ആണ് പിടിയിലായത്. പുന്നപ്രയിൽ ഒഴിഞ്ഞ വീടിന്റെ ടെറസിൽ നിന്നാണ് പ്രതി പിടിയിലാത്. നെടുമുടി പൊലീസ് റജിസ്റ്റർ ചെയ്ത പിടിച്ചുപറിക്കേസിലാണ് ഇയാളെ കോടതിയിൽ ഹാജരാക്കാൻ പോകുംവഴി രക്ഷപ്പെട്ടത്.

തിരുവനന്തപുരത്ത് നിന്ന് രാമങ്കരി കോടതിയിൽ എത്തിക്കാനാണ് ആലപ്പുഴ റെയിൽവേ സ്റ്റേഷനിൽ പ്രതിയെ കൊണ്ട് വന്നത്. ശുചിമുറിയിൽ പോകണമെന്ന് ആവശ്യപ്പെട്ടപ്പോൾ വിലങ്ങ് ഒരു കയ്യിലേക്ക് അഴിച്ചുകെട്ടിയിരുന്നു. തുടർന്നാണ് ശുചിമുറിയിലെ ജനാല തകർത്ത് ഇയാൾ രക്ഷപ്പെട്ടത്. കഴിഞ്ഞ വർഷവും പ്രതി ജയിൽ ചാടുകയും പിടിയിലാവുകയും ചെയ്തിരുന്നു.