കൊയിലാണ്ടി ദേശീയപാതയിൽ വാഹനങ്ങൾ കൂട്ടിയിടിച്ച് അപകടം
കൊയിലാണ്ടി ദേശീയപാതയിൽ വാഹനങ്ങൾ കൂട്ടിയിടിച്ച് അപകടം. ശനിയാഴ്ച വൈകുന്നേരം 5:00 മണിയോടു കൂടിയാണ് അരങ്ങാടത്ത് അപകടമുണ്ടായത്. വടകര ഭാഗത്തേക്ക് പോകുകയായിരുന്ന ട്ടെമ്പോ ട്രാവലർ വാഹനം മുന്നിൽ പോകുന്ന പഞ്ച് കാറിന് ഇടിച്ചത്. ശേഷം ഈ കാർ സെലേറിയോ കാറിന് ഇടിക്കുകയും പിന്നീട് ഈ കാർ മുന്നിലുള്ള ടാങ്കർ ലോറിക്ക് ഇടിച്ചു നിൽക്കുകയും ചെയ്തു. കാറിൽ നിന്നും പരിക്കേറ്റവരെ കൊയിലാണ്ടി ഗവ. ഹോസ്പിറ്റൽ എത്തിച്ചു.
വിവരം കിട്ടിയതിനെ തുടർന്ന് കൊയിലാണ്ടിയിൽ നിന്നും അഗ്നിരക്ഷാസേനയെത്തുകയും ദേശീയപാതയിൽ നിന്നും കാറുകൾ വശങ്ങളിലേക്ക് ഒതുക്കി മാറ്റുകയും ചെയ്തു. ശേഷം റോഡിൽ ഒഴുകിയ ഓയിൽ വെള്ളം ഉപയോഗിച്ച് നീക്കം ചെയ്തു. കണ്ണൂർ പെരളശ്ശേരി സ്വാദേശികളാണ് കാറില്‍ സഞ്ചരിച്ചിട്ടുണ്ടായിരുന്നത്. ഗ്രേഡ് ASTO മജീദ്എം ന്റെ നേതൃത്വത്തിൽ ഫയർ ആൻഡ് റെസ്ക്യൂ ഓഫീസർമാരായ ഹേമന്ത് ബി, ഇർഷാദ് ടി കെ നിധിപ്രസാദ് ഇ എം, സജിത്ത് പി കെ, ഹോംഗാർഡ് പ്രദീപ് എന്നിവർ രക്ഷാപ്രവർത്തനത്തിൽ ഏർപ്പെട്ടു.
