തിരുവനന്തപുരത്ത് ഭാര്യയെയും മകനെയും യുവാവ് കുത്തി പരിക്കേൽപ്പിച്ചു

തിരുവനന്തപുരം ജില്ലയിലെ പോങ്ങുംമൂട് ഭാര്യയെയും മകനെയും യുവാവ് കുത്തിപ്പരിക്കേൽപ്പിച്ചു. പോങ്ങുംമൂട് ബാബുജി നഗർ സ്വദേശിനി അഞ്ചന (39) മകൻ ആര്യൻ (10) എന്നിവർക്കാണ് കുത്തേറ്റത്. അഞ്ജനയുടെ ഭർത്താവ് ഉമേഷാണ് കുത്തിയത്. കുടുംബ പ്രശ്നമാണ് കത്തികുത്തിന് കാരണമെന്നാണ് പ്രാഥമിക നി​ഗമനം.

ആക്രമിച്ച ഉമേഷ് തന്നെയാണ് കുത്തേറ്റ അഞ്ജനയെയും മകനെയും ആശുപത്രിയിലെത്തിച്ചത്. കുത്തേറ്റവരുടെ പരുക്കുകൾ ഗുരുതരമല്ല. ഉമേഷിനെ മെഡിക്കൽ കൊളജ് പൊലീസ് ആശുപത്രിയിൽ തടഞ്ഞു വെച്ചു. തുടർന്ന് ശ്രീകാര്യം പോലീസെത്തി കസ്റ്റഡിയിലെടുത്തു.