കിണറ്റിൽ വീണ സ്ത്രീയെ രക്ഷിച്ചു
ബാലുശ്ശേരി എരമംഗലത്ത് കിണറ്റിൽ വീണ സ്ത്രീയെ രക്ഷിച്ചു. എരമംഗലം കൊപ്രകണ്ടി ഹൗസിൽ ജാനകിയമ്മ (85) ആണ് ഇന്നലെ 12 മണിയോടുകൂടി അബദ്ധത്തിൽ വീടിനടുത്തുള്ള കിണറ്റിൽ വീണത്. വിവരം കിട്ടിയതിനെ തുടർന്ന് കൊയിലാണ്ടിയിൽ നിന്നും അഗ്നിരക്ഷാസേന എത്തി അവരെ കരക്കെത്തിച്ചു. സേനകൾ എത്തുന്നതുവരെ നാട്ടുകാരായ രണ്ടുപേർ സ്ത്രീയെ താങി പിടിച്ചു നിൽക്കുകയായിരുന്നു.
ഫയര്‍ & റെസ്ക്യു ഓഫീസർ സിജിത്ത് സി കിണറ്റിൽ ഇറങ്ങുകയും റെസ്ക്യൂനെറ്റിൽ സേനാംഗങ്ങളുടെ സഹായത്തോടുകൂടി സ്ത്രീയെ കരക്കെത്തിക്കുകയുമായിരുന്നു. ഗ്രേഡ് ASTO മജീദ് എം ന്റെ നേതൃത്വത്തിൽ ഫയർ ആൻഡ് റെസ്ക്യൂ ഓഫീസർമാരായ ബിനീഷ് വി കെ, ഷിജു ടിപി, ബബീഷ് പി എം, ശ്രീരാഗ് എംവി, വിഷ്ണു വി, സജിത്ത് പി, നിധിൻരാജ് എന്നിവർ രക്ഷാപ്രവർത്തനത്തിൽ ഏർപ്പെട്ടു.
