പാലക്കാട് ജലസംഭരണി തകർന്ന് അമ്മയും ഒന്നര വയസുള്ള കുഞ്ഞും മരിച്ചു

പാലക്കാട് ചെറുപ്പുളശേരിയിൽ ജലസംഭരണി തകർന്നുണ്ടായ അപകടത്തിൽ അതിഥി തൊഴിലാളിയായ യുവതിയും കുഞ്ഞും മരിച്ചു. പശ്ചിമ ബം​ഗാൾ സ്വദേശി ഷമാലി (30) മകൻ സാമി റാം(2) എന്നിവരാണ് മരിച്ചത്. ചെറുപ്പുളശേരി വെള്ളിനേഴിയിൽ കന്നുകാലി ഫാമിനോട് ചേർന്നുളള ജലസംഭരണി തകർന്നാണ് അപകടമുണ്ടായത്. ഷമാലിയും ഭർത്താവും ഫാമിലെ തൊഴിലാളികളാണ്. ഫാമിലെ ജലസംഭരണി ഒന്നരവർഷം മുൻപ് താത്കാലികമായി നിർമിച്ചതായിരുന്നു.