കൊയിലാണ്ടി ഐസ് പ്ലാൻ്റ് റോഡിലെ കടയ്ക്ക് തീപിടിച്ചു
കൊയിലാണ്ടി ഐസ് പ്ലാൻ്റ് റോഡിലെ കടയ്ക്ക് തീപിടിച്ചു. കൊയിലാണ്ടി ഹാർബർ റോഡിൽ മത്സ്യബന്ധന ഉപാധികളും പെയിന്റും വിൽക്കുന്ന ജുമാന സ്റ്റോഴ്സിനാണ് തീപിടിച്ചത്. ഇന്ന് പുലർച്ചെ 3.20 ഓടുകൂടിയാണ് സംഭവം. വഴിയാത്രക്കാരൻ വിവരം നൽകിയതിനെ തുടർന്ന് കൊയിലാണ്ടി അഗ്നിരക്ഷാ നിലയത്തിൽ നിന്നും ഗ്രേഡ്. ASTO എം. മജീദിന്റെ നേതൃത്വത്തിൽ 2 യൂണിറ്റ് ഫയർഫോഴ്സ് സംഘം സ്ഥലത്തെത്തി തീ അണയ്‌ക്കുകയായിരുന്നു.
കൃത്യസമയത്ത് തീ അണയ്ക്കാൻ കഴിഞ്ഞത് വൻ ദുരന്തമാണ് ഒഴിവായത്. മറിച്ചായിരുന്നെങ്കൽ സമീപത്തുള്ള കടകൾ മുഴുവനായും കത്തിച്ചാമ്പലാകുമായിരുന്നു. തീ പീടിച്ചതോടെ സമീപത്തെ കടമുറികൾക്കുള്ളിലേക്കും പുക പടർന്നുകയറിയത് ആശങ്കയുണ്ടാക്കി. ഷോർട് സർക്യൂട്ട് ആണ് അഗ്നിബാധയ്ക്ക് കാരണമായതെന്നാണ് പ്രാഥമിക നിഗമനം. അഗ്നി രക്ഷാ സേനയുടെ സമയോചിതമായ ഇടപെടലിലൂടെ വൻ അഗ്നി ബാധയാണ് ഒഴിയായത്.
FRO മാരായ രജീഷ്. വി. പി, നിതിൻരാജ്, ഇർഷാദ്, ഷിജു, ഹേമന്ത്, ബിനീഷ് എന്നിവരും ഹോംഗാർഡ്മാരായ ബാലൻ, രാജീവ്‌, സുജിത്ത് എന്നിവരും തീ അണയ്ക്കുന്നതിൽ എര്‍പ്പെട്ടു.
