കൂമുള്ളിയിൽ കുട്ടികളുടെ ചിത്രരചനാ മത്സരം സംഘടിപ്പിച്ചു
ഉള്ളിയേരി: കൂമുള്ളി വനിതാ വേദിയുടെ ആഭിമുഖ്യത്തിൽ ഗിരീഷ് പുത്തഞ്ചേരി സ്മാരക വായനശാല ഹാളിൽ വെച്ച് കുട്ടികൾക്കുള്ള ചിത്രരചനാ മത്സരം (വർണ്ണലയം 24) സംഘടിപ്പിച്ചു. ചിത്രകാരൻ ജോഷി പേരാമ്പ്ര ഉദ്ഘാടനം ചെയ്തു. സ്മിത ഒ കെ അധ്യക്ഷത വഹിച്ച ചടങ്ങിൽ അത്തോളി ഗ്രാമ പഞ്ചായത്ത്‌ പ്രസിഡണ്ട് ബിന്ദുരാജൻ മുഖ്യാതിഥിയായിരുന്നു.
വാർഡ് മെമ്പർ ബൈജു കൂമുള്ളി, ഹരിത, സബിത സി കെ, എന്നിവർ സംസാരിച്ചു. പല്ലവി, ഹിമ, ജ്യോതിക എന്നിവർ ചേർന്ന് പ്രാർത്ഥന ചൊല്ലി. ഷാക്കിറ കെ സ്വാഗതവും വിനീത നന്ദിയും പറഞ്ഞു. മത്സരത്തിൽ എൽ കെ ജി, യു കെ ജി, യു പി, ഹൈസ്കൂൾ, എച്ച് എച്ച് എസ് വിദ്യാർത്ഥികൾ പങ്കെടുത്തു.
