കൊല്ലം ചിറയിൽ നീന്തുന്നതിനിടെ ഒരു വിദ്യാർത്ഥി അപകടത്തിൽപ്പെട്ടു

കൊയിലാണ്ടി: കൊല്ലം ചിറയിൽ നീന്തുന്നതിനിടെ ഒരു വിദ്യാർത്ഥി അപകടത്തിൽപ്പെട്ടു. ഫയർഫോഴ്സ് തിരച്ചിൽ ആരംഭിച്ചു. മൂടാടി മലബാർ കോളജിലെ കുട്ടിയാണെന്നാണ് സംശയം. നാലംഗം സംഘം നീന്തുന്നതിനിടെ ഒരു കുട്ടി കുഴഞ്ഞ് പോകുകയായിരുന്നെന്നാണ് അറിയുന്നത്. വൈകീട്ട് 5.30 ഓടെയാണ് സംഭവം.

മുങ്ങിപ്പോയ കുട്ടിയെ കൂടെയുള്ള കുട്ടികൾ കൈപിടിച്ച് കരയോടടുപ്പിച്ചെങ്കിലും പിടുത്തംവിട്ടതോടെ ആഴത്തിലേക്ക് താഴ്ന്നതായാണ് അറിയുന്നത്. കൊയിലാണ്ടി പോലീസും നാട്ടുകാരും രക്ഷാ പ്രവർത്തനം നടത്തിക്കൊണ്ടിരിക്കുയാണ്.