വർക്ക് ഷോപ്പിൽ നിർത്തിയിട്ട കാറിന് തീപിടിച്ചു
അത്തോളി: വർക്ക് ഷോപ്പിൽ വെൽഡിംഗ് നടത്തുന്നതിനിടെ കാറിന് തീപിടിച്ചു. അത്തോളി അത്താണിക്കലിലുള്ള പ്രൊഫഷണൽ ബോഡി ഷോപ്പിൽ ഗ്യാസ് വെൽഡിങ് നടത്തുമ്പോൾ സ്പാർക്ക് ഉണ്ടായിയോടെ കാറിനും സിലിണ്ടറിനും തീ പിടിക്കുകയായിരുന്നു. ഇന്ന് വൈകുന്നേരം 6 മണിയോടുകൂടിയാണ് സംഭവം.
.
.
വിവരം കിട്ടിയതിനെ തുടർന്ന് കൊയിലാണ്ടിയിൽ നിന്നും അസിസ്റ്റന്റ് സ്റ്റേഷൻ ഓഫീസർ അനിൽകുമാർ പി എമ്മിന്റെ നേതൃത്വത്തിൽ അഗ്നിരക്ഷാസേന എത്തുമ്പോൾ ഷോറൂമിലെ ജോലിക്കാരും നാട്ടുകാരും പോലീസും ചേർന്ന് ഫയർ എക്സ്റ്റിംഗുഷർ ഉപയോഗിച്ച് തീ ഭൂരിഭാഗവും അണച്ചിരുന്നു.
.
.
ശേഷം ലീക്കായ ഗ്യാസ് സിലിണ്ടർ ഓഫ് ചെയ്യുകയും കൂടുതൽ അപകടം ഇല്ല എന്ന് ഉറപ്പുവരുത്തുകയും ചെയ്തു. കാറിന്റെ മുൻഭാഗം കുറെയേറെ കത്തി നശിച്ചിട്ടുണ്ട്. ഫയർ ആൻഡ് റെസ്ക്യൂ ഓഫീസർമാരായ രതീഷ് കെ എൻ, ബിനീഷ് കെ, നിധിപ്രസാദി ഇ എം, ഷാജു കെ, നവീൻ, ഹോം ഗാർഡ് മാരായ ഓംപ്രകാശ്, ഷൈജു എന്നിവർ തീയണക്കുന്നതിൽ ഏർപ്പെട്ടു.
