നേപ്പാളിൽ ഭൂചലനം; 6.1 തീവ്രത രേഖപ്പെടുത്തി
കാഠ്മണ്ഡു: നേപ്പാളിൽ ഭൂചലനം. റിക്ടർ സ്കെയിലിൽ 6.1 രേഖപ്പെടുത്തിയ ഭൂചലനമാണ് രാജ്യതലസ്ഥാനമായ കാഠ്മണ്ഡുവിൽ അനുഭവപ്പെട്ടതെന്ന് മാധ്യമങ്ങൾ റിപ്പോർട്ട് ചെയ്തു. വെള്ളിയാഴ്ച പുലർച്ചെയാണ് ഭൂചലനം അനുഭവപ്പെട്ടത്. ആളപായമോ മറ്റ് നാശനഷ്ടങ്ങളോ നിലവിൽ റിപ്പോർട്ട് ചെയ്തിട്ടില്ല. ബിഹാറിന്റെ ചില ഭാഗങ്ങളിലും ഭൂചലനത്തിൻ്റെ പ്രകമ്പനമുണ്ടായി. കാഠ്മണ്ഡുവിലെ സിന്ധുപാൽച്ചൗക് ജില്ലയിലെ ഭൈരബ് കുന്ദ ഏരിയയിലാണ് ഭൂചലനമുണ്ടായത്.
