ബലാത്സംഗ കേസ്; നടന് സിദ്ദിഖിന് മുന്കൂര് ജാമ്യം
ന്യൂഡല്ഹി: ബലാത്സംഗ കേസില് നടന് സിദ്ദിഖിന് മുന്കൂര് ജാമ്യം അനുവദിച്ച് സുപ്രീംകോടതി. നിലവില് ഇടക്കാല മുന്കൂര് ജാമ്യത്തിലായിരുന്നു സിദ്ദിഖ്. പരാതി നല്കിയത് എട്ട് വര്ഷത്തിന് ശേഷം എന്ന് ചൂണ്ടിക്കാട്ടിയാണ് സിദ്ദിഖിന് ജാമ്യം അനുവദിച്ചിരിക്കുന്നത്. അറസ്റ്റ് ചെയ്താല് ജാമ്യത്തില് വിടണമെന്നും സുപ്രീം കോടതി നിര്ദേശം നല്കി. സിദ്ദിഖ് പാസ്പോര്ട്ട് ഹാജരാക്കണമെന്നും അന്വേഷണത്തോട് സഹകരിക്കണമെന്നും കോടതി നിര്ദേശിച്ചിട്ടുണ്ട്.
