ഭാര്യയെയും മകളെയും കഴുത്തറുത്ത് കൊലപ്പെടുത്തിയ ശേഷം ഗൃഹനാഥൻ ആത്മഹത്യയ്ക്ക് ശ്രമിച്ചു
കൊല്ലം: കൊല്ലം പരവൂർ പൂതക്കുളത്ത് ഭാര്യയെയും മകളെയും കഴുത്തറുത്ത് കൊലപ്പെടുത്തിയ ശേഷം ഗൃഹനാഥൻ ആത്മഹത്യയ്ക്ക് ശ്രമിച്ചു. പൂതക്കുളം സ്വദേശി ശ്രീജുവാണ് ഭാര്യ പ്രീത (39), മകൾ ശ്രീനന്ദ (12) എന്നിവരെ കൊലപ്പെടുത്തിയത്. കൊലപാതക ശ്രമത്തിനിടെ ഗുരുതരമായി പരിക്കേറ്റ മകൻ ശ്രീരാഗിനെ ആശുപത്രിയിൽ പ്രവേശിപ്പിച്ചു.
കൊലപാതകത്തിനു ശേഷം ആത്മഹത്യക്ക് ശ്രമിച്ച ശ്രീജവും ഗുരുതരാവസ്ഥയിൽ ചികിത്സയിലാണ്. ഇന്ന് രാവിലെയായിരുന്നു സംഭവം. കടബാധ്യതയാണ് കൃത്യത്തിനു കാരണമെന്നാണ് നിഗമനം. പൂതക്കുളം ബാങ്കിലെ കളക്ഷൻ ഏജന്റായിരുന്നു പ്രീത.
