ആന്ധ്രാപ്രദേശിൽ വോൾവോ ബസിന് തീപിടിച്ചുണ്ടായ അപകടത്തിൽ 24 യാത്രക്കാർ മരിച്ചു
ആന്ധ്രാപ്രദേശിലെ കുർണൂലിൽ വോൾവോ ബസിന് തീപിടിച്ചുണ്ടായ അപകടത്തിൽ 24 യാത്രക്കാർ മരിച്ചു. വെള്ളിയാഴ്ച പുലർച്ചെയാണ് ഹൈദരാബാദിൽ നിന്ന് ബെംഗളൂരുവിലേക്ക് പോവുകയായിരുന്ന കാവേരി ട്രാവൽസിന്റെ വോള്‍വോ മള്‍ട്ടി ആക്‌സില്‍ സ്ലീപ്പര്‍ ബസ്സിന് തീപിടിച്ചത്.
പുലർച്ചെ ഏകദേശം 3 മണിയോടെയാണ് അപകടം സംഭവിച്ചത്. ബസ് ഒരു ഇരുചക്രവാഹനത്തിൽ ഇടിച്ചതാണ് തീപിടിത്തത്തിന് കാരണമായതെന്ന് കുർണൂൽ പോലീസ് സൂപ്രണ്ട് വിക്രാന്ത് പാട്ടീൽ പറഞ്ഞു. ഇരുചക്രവാഹനം ബസിന്റെ അടിയിൽ കുടുങ്ങിയതിനെ തുടർന്ന് തീപ്പൊരി ഉണ്ടാവുകയും അത് തീപിടുത്തത്തിലേക്ക് നയിക്കുകയും ചെയ്തതാകാം. ബസില്‍ 40 യാത്രക്കാരുണ്ടായിരുന്നു. 15 പേരെ രക്ഷപ്പെടുത്തി ആശുപത്രിയിലെത്തിച്ചിട്ടുണ്ട്.
സംഭവസമയത്ത് യാത്രക്കാരെല്ലാം ഉറക്കത്തിലായിരുന്നിരിക്കാം. യാത്രക്കാർക്ക് രക്ഷപ്പെടാൻ പ്രയാസമുണ്ടാക്കുന്ന എസി ബസ് (AC bus) ആയിരുന്നതിനാൽ, അവർക്ക് ജനലുകൾ തകർത്ത് പുറത്തുവരേണ്ടി വന്നു. ഗ്ലാസ് തകർക്കാൻ കഴിഞ്ഞ യാത്രക്കാർ സുരക്ഷിതരാണ്.
യാത്രാ ലിസ്റ്റ് അനുസരിച്ച്, രണ്ട് ഡ്രൈവർമാർ ഉൾപ്പെടെ 40 പേരാണ് ബസിൽ ഉണ്ടായിരുന്നത്. അപകടത്തിൽ നിരവധി യാത്രക്കാർ വെന്തുമരിച്ചതായി വൈ.എസ്. ജഗൻ മോഹൻ റെഡ്ഡി പ്രസ്താവനയിൽ അറിയിച്ചു. രക്ഷാപ്രവർത്തനത്തിനൊടുവിൽ 15 പേരെ രക്ഷപ്പെടുത്തി ആശുപത്രിയിൽ പ്രവേശിപ്പിച്ചു. തീ ഇപ്പോൾ നിയന്ത്രണ വിധേയമാണ്. അപകടവിവരം അറിഞ്ഞ് ആന്ധ്രാപ്രദേശ് മുഖ്യമന്ത്രി എൻ. ചന്ദ്രബാബു നായിഡു ഞെട്ടൽ രേഖപ്പെടുത്തി. കുർണൂൽ ജില്ലയിലെ ചിന്ന ടെക്കൂർ ഗ്രാമത്തിനടുത്തുവെച്ചുണ്ടായ ഈ ദുരന്തത്തിൽ ജീവൻ നഷ്ടപ്പെട്ടവരുടെ കുടുംബാംഗങ്ങളെ അദ്ദേഹം അനുശോചനം അറിയിച്ചു. പരിക്കേറ്റവർക്കും ദുരിതബാധിതരായ കുടുംബങ്ങൾക്കും സാധ്യമായ എല്ലാ സർക്കാർ സഹായങ്ങളും നൽകുമെന്ന് നായിഡു എക്സിൽ കുറിച്ചു.
